“Аллаһ тәләб едир” брошүрасы илә өјрәнмә башламаға чалышырсанмы?
1 Сән билирдинми ки, мәсләһәт олунан нәшрләрдән бири әсасында марагланан адамла гыса да олса, мүнтәзәм вә ардыҹыл апарылан сөһбәтләр Мүгәддәс Китаб өјрәнмәси сајылыр? Бу ҹүр сөһбәтләр, гапы ағзында вә ја телефонла апарылса да, өјрәнмә һесаб олунур. Нәјә ҝөрә мај вә ијун ајларында “Аллаһ тәләб едир” брошүрасы әсасында бу ҹүр өјрәнмә башламаға ҹәһд ҝөстәрмәјәсән?
2 Һазырлашмаг мүвәффәгијјәтин ачарыдыр. “Аллаһ тәләб едир” брошүрасыны тәклиф едәркән, демәк истәдијин фикир һаггында ајдын тәсәввүрүн олсун. Тәкрар башчәкмәјә һазырлашаркән, биринҹи дәфә етдијин сөһбәт һаггында дүшүн. Өзүндән соруш: илк дәфә мүзакирә етдијим мөвзуну давам етдирмәк вә Мүгәддәс Китаб өјрәнмәси башламаг үчүн брошүрадан һансы абзаслара тохуна биләрәм? Әҝәр евдән-евә тәблиғ едәҹәксәнсә, јенијетмәләрә, јашлылара, кишиләрә вә гадынлара мараглы олаҹаг мөвзулар һагда дүшүн. Брошүранын мүндәриҹатына бахыб лазым олан мөвзулары сеч. Нә дејәҹәјини гәрарлашдырдыгдан сонра, бир нечә дәфә мәшг ет. Бу, мүвәффәгијјәтин ачарыдыр.
3 “Бизим Падшаһлыг Хидмәтимиз”ин 2002-ҹи ил, јанвар ајы үчүн олан сајынын әлавә вәрәгәсиндә “Аллаһ тәләб едир” брошүрасы үчүн мәсләһәт олунан тәгдимәләр” чәрчивәсиндә сәккиз үсул ҝөстәрилир. “Бирбаша мүраҹиәт” адлы диҝәр графа, брошүранын көмәји илә өјрәнмә башламағын үсулуну ҝөстәрир. Һәмин графадан биринҹи тәгдимәни нөвбәти тәрздә истифадә етмәк олар:
◼ “Сиз билирсинизми ки, бир нечә дәгигә әрзиндә Мүгәддәс Китаба әсасланан ваҹиб бир суалын ҹавабыны өјрәнә биләрсиниз? Мәсәлән, өзүнү Исанын давамчысы адландыранлар арасында нәјә ҝөрә белә чохлу динләр мөвҹуддур? Бу һагда нә вахтса дүшүнмүсүнүзмү?” Инсан ҹаваб вердикдән сонра, 13-ҹү дәрси ач вә илк ики абзаса диггәт јетир. Әҝәр вахт јол верирсә, Мүгәддәс Јазылардан бир-ики ајәни оху вә мүзакирә ет. Сонра сәһифәнин јухары һиссәсиндә олан ахырынҹы суалы оху вә де: “Дәрсин галан һиссәсиндә һәгиги динин беш сәҹијјәви әламәти хатырланыр. Онлары сизинлә мүзакирә етмәк үчүн јенидән ҝәлмәјә шад олардым.”
4 Мәтин ол. “Аллаһ тәләб едир” брошүрасы әсасында Мүгәддәс Китабы өјрәнмәјин үсулуну инсанлара ҝөстәрмәк үчүн, һәр бир имкандан истифадә ет. Дуа ет ки, Јеһова хејир-дуа версин (Мат. 21:22). Мәтин ол вә еһтимал ки, ҝөстәрдијин сә’јләр сајәсиндә кимин исә хош хәбәрә һај верәҹәјини ҝөрәҹәксән.