Јеһованын еһтишамыны бәјан един
1 Мәзмурчу бәјан едирди: «Рәббә јени бир илаһи охујун, еј бүтүн дүнја, [...] Еһтишамыны милләтләрә е’лан един, харигәләрини бүтүн халглара бәјан един!» Јеһованын кечмишдәки, индики вә ҝәләҹәкдәки ишләри үзәриндә дүшүнәндә, гәлбимиздә Онун еһтишамыны бәјан етмәк арзусу јараныр (Мәз. 96:1, 3).
2 Тәблиғ заманы. Јеһованын Шаһидләри Аллаһын адыны тәгдис етмәк вә ону јер үзүндә јашајан бүтүн милләтләр арасында иззәтләндирмәк шәрәфинә лајиг ҝөрүлмүшләр (Мал. 1:11). Христиан дүнјасынын руһаниләри исә өзләринин редактәси алтында ишләнмиш Мүгәддәс Китаб тәрҹүмәләриндән Аллаһын адыны тәкәббүрлә силирләр. Аллаһын адыны бәјан етмәк олдугҹа ваҹиб вә тә’ҹили ишдир, чүнки јахынлашмагда олан бөјүк мәшәггәт заманы јалныз бу ады иманла чағыран инсанлар хилас ола биләр (Ром. 10:13-15). Бундан әлавә, Каинатда, о ҹүмләдән јер үзүндә сүлһ Аллаһын адынын тәгдис едилиб-едилмәмәсиндән асылыдыр. Аллаһын јаратдығы һәр шеј Онун ады илә бағлыдыр.
3 «Рәбб [«Јеһова», ЈД] әзәмәтлидир, бол һәмдә лајигдир». Лакин Јеһоваја «адына лајиг иззәти» вермәк үчүн Онун һаггында һәгигәти билмәк лазымдыр (Мәз. 96:4, 8). Бә’зиләри исә Аллаһын мөвҹуд олдуғуну белә, инкар едирләр (Мәз. 14:1). Диҝәрләри исә иддиа едирләр ки, Аллаһ һеч бир шејә гадир дејил вә ја инсанларла марагланмыр. Сәмими инсанларын, Јарадан, Онун нијјәтләри вә ҝөзәл хүсусијјәтләри һаггында дәгиг билик алмаларына көмәк едәндә Јеһованы иззәтләндирмиш олуруг.
4 Давраныш тәрзимизлә. Јеһованын әдаләтли нормаларына мүвафиг јашамагла Ону шәрәфләндиририк. Бизим нүмунәви давраныш тәрзимиз башгаларынын нәзәриндән јајынмыр (1 Пет. 2:12). Мисал үчүн, әҝәр бизим хариҹи ҝөрүнүшүмүз тәмиз вә сәлигәлидирсә, бу, башгаларынын мүсбәт рә’јинә сәбәб ола биләр вә бунун сајәсиндә һәјатда Мүгәддәс Китаб принсипләрини нәјә ҝөрә рәһбәр тутмағын даһа јахшы олдуғу һагда данышмаға имканымыз јаранар (1 Тим. 2:9, 10). Башгалары бизим ‘хејирхаһ ишләримизи ҝөрәндә вә Ҝөјләрдәки Атамыза һәмд едәндә’ биз неҹә дә севинирик! (Мат. 5:16).
5 Ҝәлин, әзәмәтли Аллаһымызы сөзләримизлә вә әмәлләримизлә јүксәлдәк вә бунунла да «исминә алгыш един, Рәббә илаһи охујун, хиласкар олдуғуну һәр ҝүн мүждәләјин» чағырышына һај верәк (Мәз. 96:2).