Әбәди һәјата апаран тә’лим
1 Аллаһын Кәламындакы һәгигәтләри дәрк едән инсанларын ҝөзләриндә јаранан севинҹ парылтысыны ҝөрмәк неҹә дә бөјүк мүкафатдыр! Аллаһ вә Онун бәшәријјәтә даир нијјәти һаггында билији башгалары илә бөлүшмәк, һәгигәтән дә, мәмнунлуг ҝәтирир. Бу тә’лим инсаны әбәди һәјата апара биләр (Јәһ. 17:3).
2 Бу тә’лимин үстүнлүјү нәдәдир? Бу ҝүн демәк олар ки, истәнилән һәр бир саһә үзрә тәһсил алмаг мүмкүндүр (Ваиз 12:12). Лакин бу ҹүр билик «Аллаһын мөһтәшәм ишләри» илә мүгајисә олуна билмәз (Һәв. иш. 2:11). Бу дүнјанын тәклиф етдији тәһсил бәшәријјәти Јарадана јахынлашдыра вә Онун нијјәтләри һаггында билик верә билмишдирми? Инсан өләркән нә баш вердијини вә ја нәјә ҝөрә бу гәдәр чох әзабларын мөвҹуд олдуғуну ајдынлашдырмышдырмы? Инсанлара үмид верә билмишдирми? Аилә һәјатыны уғурлу етмәк үчүн көмәк етмишдирми? Хејр. Һәјатын ән ваҹиб суалларына ҹаваб тапмагда јалныз Аллаһ көмәк едә биләр.
3 Аллаһын тәгдим етдији тә’лим, бу ҝүн дүнјада кәскин сурәтдә чатышмајан мә’нәви дәјәрләрлә инсанлары тә’мин едир. Аллаһын Кәламындакы тә’лимләри гәбул едиб һәјатларында тәтбиг едәнләрин үрәјиндә иргчилијә, тајфаларарасы дүшмәнчилијә вә миллијјәтчилијә јер галмыр (Ибр. 4:12). Мүгәддәс Китаб инсанлары зоракылығын бүтүн нөвләриндән имтина етмәјә вә ‘јени мәнлији ҝејинмәјә’ тәшвиг едир (Колос. 3:9-11; Мик. 4:1-3). Бундан башга Аллаһын тәгдим етдији тә’лим, Она мәгбул олмајан дәрин көк салмыш вәрдишләрдән вә хүсусијјәтләрдән азад олмагда милјонларла инсанлара көмәк едир (1 Кор. 6:9-11).
4 Ҝүнләримиз үчүн ваҹиб тә’лим. Даһи Нәсиһәтчи һансы дөврдә јашадығымыз барәдә бизи хәбәрдар едир. Онун пејғәмбәрлик һөкмләри өзүнә бүтүн дүнјада тәблиғ едилмәси ваҹиб олан мүасир мә’луматы дахил едир (Вәһј 14:6, 7). Мәсиһ ҝөјдә идарә едир вә јалан динин дүнја империјасы тезликлә сүгута уғрајаҹаг. Дүнја һакимијјәтләри исә Аллаһын Падшаһлығы тәрәфиндән мәһв едиләҹәк. Бу сәбәбдән, Аллаһ тәрәфиндән тә’јин едилмиш вә һал һазырда идарә едән Падшаһы танымаг, Бөјүк Бабилдән чыхмаг вә Јеһованын адыны иманла чағырмаг инсанлар үчүн сон дәрәҹә ваҹибдир (Мәз. 2:11, 12; Ром. 10:13; Вәһј 18:4). Ҝәлин әбәди һәјата апаран тә’лими мүмкүн гәдәр чох инсанла бөлүшәк.