Хатирә Ҝеҹәси илә әлагәдар хатырлатма

Хатирә Ҝеҹәсинин гејд едилмәси бу ил чәршәнбә ҝүнү апрелин 12-нә дүшүр. Ағсаггаллар ашағыдакы бәндләрә диггәт јетирмәлидирләр:

◼ Ҝөрүшүн вахтыны тә’јин едәркән әмин олун ки, символлар ҝүнәш батмаздан әввәл верилмәјәҹәк.

◼ Һамыја, о ҹүмләдән мә’рузәчијә дә, Ҝеҹәнин һарада вә нә вахт кечириләҹәји һагда дәгиг мә’лумат вермәк лазымдыр.

◼ Бу мәрасим үчүн мүнасиб чөрәк вә шәраб әлдә етмәк вә ја һазырламаг лазымдыр. (бах: «Ҝөзәтчи Гүлләси» 2003-ҹү ил 1 март, сәһ. 10, 11.)

◼ Зала әввәлҹәдән мүнасиб стол ҝәтирмәк, үстүнә сүфрә салыб, бошгаб вә гәдәһләр дүзмәк лазымдыр.

◼ Бу ҝөрүшүн кечириләҹәји Падшаһлыг Залыны вә ја башга јери әввәлҹәдән јахшы јығышдырмаг лазымдыр.

◼ Хидмәтчи гардашлары вә символлары верәҹәк кәсләри тә’јин етмәк вә ҝөрүшүн неҹә кечәҹәјини, һәмчинин онларын вәзифәсинин нәдән ибарәт олаҹағыны габагҹадан изаһ етмәк лазымдыр. Бундан әлавә, лајигли ҝејимин вә хариҹи ҝөрүнүшүн ваҹиблијини дә вурғуламаг лазымдыр. Символлары Залда оланларын һамысы өтүрдүкдән сонра, онлары верән гардашлар габаг сырада отураҹаг вә мә’рузәчи символлары онлара верәҹәкдир. Сонра бу гардашлардан бири символлары мә’рузәчијә верәҹәк.

◼ Гајғы ҝөстәрмәк лазымдыр ки, сәһһәтләри уҹбатындан бајрамда иштирак едә билмәјән мәсһ едилмиш мәсиһчиләрә гуллуг едилсин.

◼ Әҝәр ејни Падшаһлыг Залындан бир нечә јығынҹаг истифадә етмәк истәјирсә, онда онлар өлчү ҝөтүрмәлидирләр ки, адамлар вестибүлдә, ҝиришдә вә пилләкәндә топлашмасынлар, автомобил дајанаҹағында исә гарышыглыг олмасын.