Инсанларла илтифатла давранараг сәмими мараг ҝөстәр
1 Јеһова «лүтфкар» Аллаһдыр (Мәз. 145:8). О, каинатын Һөкмдары олса да, гејри-камил инсанларла хејирхаһлыг, анлајыш вә лүтфкарлыгла давраныр (Јар. 13:14; 19:18-21, 29). Хош хәбәри тәблиғ етмәк үсулларымызы јахшылашдырмагла, биз лүтфкар Аллаһымызы тәглид етмиш оларыг (Колос. 4:6). Бу, садәҹә олараг нәзакәтлә вә һөрмәтлә данышмаг демәк дејил.
2 Евдән-евә. Ев саһибинин јанына гејри-мүнасиб вахтда ҝәләндә вә ја онун бизимлә данышмаға вахты олмајанда нә етмәлијик? Белә һалда јахшы оларды ки, онун вәзијјәтини нәзәрә алыб, чох гыса тәгдимә едәк, ја да башга вахтда ҝәләҹәјимизи сөјләјәк. Ев саһиби әдәбијјат ҝөтүрмәкдән имтина едәндә, нәзакәтлә давранараг буна тә’кид етмәјәҹәјик. Әҝәр башгаларына гаршы диггәтлијиксә, онларын шәхси мүлкүнә һөрмәт едәҹәјик. Мисал үчүн, архамызҹа гапыны вә ја дарвазаны өртәҹәк вә ушагларымыза да буну өјрәдәҹәјик. Ев саһиби үчүн әдәбијјаты елә јердә гојмалыјыг ки, башгаларынын ҝөзүнә чарпмасын. Нәзакәтли инсан башгаларынын онунла неҹә рәфтар етмәсини истәјирсә, өзү дә онларла елә рәфтар едәҹәк (Лука 6:31).
3 Күчәдә. Күчәдә тәблиғ едән заман нәзакәтлә давранараг, јолдан кечән адамлара мане олмајаҹаг вә мағазалара ҝиришин гаршысыны кәсмәјәҹәјик. Инсанларын шәраитини нәзәрә алараг, тәләсәнләрлә дејил, сөһбәтә бир нечә дәгигә вахт ајыра биләнләрлә данышмаг лазымдыр. Бә’зи һалларда күчәдәки сәс-күјә ҝөрә уҹадан данышмаг лазым ҝәлә биләр. Лакин бу заман еһтијатлы олмалыјыг ки, әтрафдакыларын диггәтини өзүмүзә ҹәлб етмәјәк (Мат. 12:19).
4 Телефонла. Әҝәр башгаларына гаршы диггәтлијиксә, телефонла тәблиғ едәркән, раһат вә сакит јер сечәҹәјик. Зәнҝ едәндә әввәлҹә өзүмүзү тәгдим етмәк вә зәнҝимизин сәбәбини изаһ етмәк јахшы оларды. Телефон дәстәјини јахын тутараг вә јумшаг тонда данышараг, инсанла Мүгәддәс Китаб мөвзусунда мараглы сөһбәтә башлаја биләрик (1 Кор. 14:8, 9). Бу мүхтәлиф саһәләрдә хејирхаһ, анлајышлы вә нәзакәтли давранмагла, биз лүтфкар Јеһова Аллаһымызы тәглид едирик.