Падшаһлыг Залларынын тикинтиси — мүгәддәс хидмәтин ваҹиб саһәси
1. Падшаһлыг Заллары тикинтисиндә һансы ишләр һәјата кечирилиб, лакин һәлә дә нәјә еһтијаҹ вардыр?
1 2005-ҹи тәгвим или әрзиндә Ҝүрҹүстанда стандарт лајиһә үзрә 4 јени Падшаһлыг Залы тикилмиш, 3 бина исә Падшаһлыг Залы едилмишдир. Биз Падшаһлыг Залларынын тикинтиси столу нүмајәндәләринә, тикинти групларында чалышан гардашлара, о ҹүмләдән, онлара көмәк едән һәр кәсә әмәјинә ҝөрә үрәкдән миннәтдарыг. Бу саһәдә хејли иш ҝөрүлсә дә, гаршыда һәлә чох шеј дурур. Бизләрдән һәр биримиз Јеһоваја олан мүгәддәс хидмәтин бу ваҹиб саһәсиндә неҹә көмәклик ҝөстәрә биләрик? (Вәһј 7:15).
2. Биз Падшаһлыг Залы тикинтисиндә билаваситә неҹә көмәк едә биләрик?
2 Һазырлыг руһу ҝөстәр. Әҝәр сән вәфтиз олунмуш тәблиғчисәнсә, сәни бу хидмәт нөвүндә иштирак етмәјә дә’вәт едирик. Бунун үчүн сән «Падшаһлыг Залларынын тикинти програмында иштирак едән көнүллүләрин әризәси» (А-25) бланкыны долдура биләрсән (Мәз. 110:3). Көнүллүләр чалышган вә әмәкдашлыг етмәјә һазыр олмалыдырлар (Мәз. 133:1). Тикинти ишиндә баҹарығын олмаса да, чох көмәјин дәјә биләр. Һәм дә сән елә баҹарыға јијәләнәрсән ки, бунун сајәсиндә ҝәләҹәкдә Падшаһлыг иши үчүн даһа чох шеј едә биләрсән.
3. Тикинти ишиндә билаваситә иштирак едә билмәсән дә, өз көмәјини неҹә ҝөстәрә биләрсән?
3 Падшаһлыг Заллары тикинтисиндә билаваситә иштирак едә билмәсәндә, онда көнүллүләри руһландырмагла көмәјини ҝөстәрә биләрсән. Бу ишдә иштирак едәнләрин јығынҹагда ҝөрдүкләри иши сән јеринә јетирә биләрсән. Ағсаггаллар исә һәр шеји планлашдырараг, јығынҹағын ишләринин өз гајдасында ҝедәҹәјинин гајғысына галмалыдырлар. Шүбһәсиз, Падшаһлығын ишинин ирәлиләмәси үчүн чијин-чијинә ишләјәндә, Јеһова биздән разы галыр (Ибр. 13:16).
4. Биз Падшаһлыг Заллары тикинтисиндә чалышанлары неҹә руһландыра биләрик?
4 Дајаг ол. Ибадәт јерләри тикмәк чохлу вахт вә гүввә тәләб едир. Ајдын мәсәләдир ки, тикинтијә дә’вәт олунанлар бә’зән доғма јығынҹагларына ҝәлә билмәјәҹәкләр. Ҝәлин бу ваҹиб ишдә фәдакарлыгла чалышан көнүллүләрә әмәјини гијмәтләндирдијимизи сөјләјәк вә онлары руһландыраг (Һәв. иш. 6:3; Ром. 14:19).
5. Тикинтидә иштирак едән көнүллүләр таразлығы неҹә горуја биләрләр?
5 Таразлығы гору. Аллаһын Падшаһлығы һаггында тәблиғ иши ибадәтимизин әсас һиссәсидир (Марк 13:10). Буну нәзәрә алараг, Падшаһлыг Залларынын тикинтиси груплары ишләрини елә планлашдырырлар ки, көнүллүләр ҝәрәксиз јерә өз јығынҹагларындан галмасынлар. Һәмчинин көнүллүләр дә чохсајлы мәс’улијјәтләрини јеринә јетирәркән таразлығы горумаға чалышмалыдырлар. Бу гардашлар өзләри гајғы ҝөстәрмәлидирләр ки, јығынҹагда олмајанда јығынҹағын ишләри јеринә јетирилсин.
6. Јығынҹагда һамы бир-бирилә әмәкдашлыг едәндә нә әлдә едилир?
6 Һәвари Павелин сөзләринә ҝөрә, јығынҹағын үзвләри ‘бәдәнин гамәтини артырараг мәһәббәтлә инкишаф етмәси’ үчүн вәһдәтдә ишләјирләр (Ефес. 4:16). Јеһоваја вә һәгиги ибадәтә олан мәһәббәт һәм хош хәбәрин тәблиғиндә, һәм дә Падшаһлыг Залы тикинтисиндә бир-биримизлә әмәкдашлыг етмәјә тәшвиг едир.