Вахтынызы вә ҝүҹүнүзү Јеһованын јолунда сәрф един

Әшија пејғәмбәрин габагҹадан дедији кими, бу ҝүн Јеһованын тәшкилатынын јерүзү һиссәсиндә ҝөрүнмәмиш инкишаф ҝедир (Әш 54:2). Буна ҝөрә дә јени ибадәт евләринин, топланты залларынын вә Бејтел биналарынын тикинтисинә тәләбат артыр. Тикиләндән сонра исә бу биналара гуллуг етмәк, бәзиләрини исә сонрадан бәрпа етмәк лазым ҝәлир. Бу, вахтымызы вә ҝүҹүмүзү Јеһованын јолунда сәрф етмәк үчүн гаршымызда нөвбәти имканлары ачыр:

• Тәблиғ групумузун ибадәт евини тәмизләмәк нөвбәси оланда биз дә тәмизликдә иштирак едә биләрик

• Ибадәт евинә гуллугла бағлы кечирилән семинарда иштирак едә биләрик

• Әразимиздәки тикинти вә тәмир ишләриндә вахташыры көмәк етмәк үчүн «Јерли тикинтидә иштирак үзрә көнүллү анкети»ни (ДҸ-50) долдура биләрик

• Филиалымызын әразисиндәки Бејтелдә, јахуд диҝәр филиал биналарында бир һәфтә вә ја даһа чох мүддәт әрзиндә көмәк етмәк үчүн «Көнүллү програмы үчүн әризә»ни (А-19) долдура биләрик

«ЈЕНИ ИНШААТ ЛАЈИҺӘСИ» АДЛЫ ВИДЕОДАН ФРАГМЕНТӘ БАХАНДАН СОНРА СУАЛЛАРА ҸАВАБ ВЕРИН:

• 2014-ҹү илдән бәри тәшкилатын видео истеһсалында һансы артым мүшаһидә олунур?

• Видео истеһсалына олан тәләбаты гаршыламаг үчүн һансы ишләр ҝөрүләҹәк вә бу лајиһә нә вахта планлашдырылыр?

• Көнүллүләр бу лајиһәјә өз төһфәләрини неҹә верә биләр?

• Нәјә ҝөрә Рамапонун тикинтисиндә көмәк етмәк үчүн анкет (ДҸ-50) долдурмаг вә Јерли лајиһә-иншаат шөбәсинин јашадығымыз јердәки лајиһәләриндә иштирак етмәк лазымдыр?

• Јеһованын бу лајиһәјә рәһбәрлик етдији нәдән ҝөрүнүр?

• Рамапонун тикинтисиндә шәхсән көмәк едә билмәсәк дә, лајиһәни неҹә дәстәкләјә биләрик?