Ҹидди диггәтәлајиг видеофилм
«Бу филм адамы һәгигәтән дә дүшүндүрүр!»
«Бу филм мәнә дәрин тә’сир бағышлады!»
«Неҹә дә ҝөзәл филмдир!»
1 «Ҝәнҹләрин суаллары: әсл достлары неҹә тапмаг олар?» — видеофилминә бахандан сонра бу ҹүр һиссләр кечирирсән. Бир нечә ил әввәл, бир ҝәнҹ гардашын һәјатында чәтин дөвр башланды, чүнки өзүнә пис достлар сечмишди. Онлар гардаша елә пис тә’сир етмишдиләр ки, о, һәгигәтә марағыны вә Јеһова илә мүнасибәтини итирмишди. Сонра «Әсл достлар» видеофилми чыхды. Һәмин гардаш јазыр: «Мән бу филмә тәкрар-тәкрар бахырдым вә ҝөз јашларым сел кими ахырды. Вахтында ҝөстәрдији јардым үчүн Јеһоваја неҹә дә миннәтдар идим!» Филм ону, һәјат тәрзиндә дәјишиклик етмәјә вә өзүнә мүвафиг достлар сечмәјә сөвг етди. О әлавә едир: «Ҝөрүнүр сиз, ҝәнҹләрин нәләрлә үзләшдијини јахшы анлајырсыныз». Валидејнләр вә ушаглар, нөвбәти аилә өјрәнмәсиндә нә үчүн бу филмә бир дә бахмајасыныз? Һәр һиссәдән сонра филми дајандырыб, нөвбәти суаллары мүзакирә едә биләрсиниз.
2 Ҝириш. Әсл дост неҹә олмалыдыр? (Сүл. мәс. 18:24).
3 Достлуг јолундакы манеәләр: Тәнһалыг һиссинин өһдәсиндән неҹә ҝәлмәк олар? (Филип. 2:4). Нә үчүн өз шәхсијјәтини јахшылашдырмаға һазыр олмаг лазымдыр вә бу ишдә ким бизә көмәк едә биләр? Чохлу достлар тапмаға нә көмәк едә биләр вә онлары һарада тапа биләрик? (2 Кор. 6:13).
4 Аллаһла достлуг. Јеһова илә јахын достлуг әлагәләрини неҹә инкишаф етдирмәк олар вә буна нә үчүн ҹан атмаг лазымдыр? (Мәз. 34:8). Аллаһла достлуғу мөһкәмләндирмәјә ким даһа јахшы көмәк едә биләр?
5 Пис достлар. Кимләр ‘пис дост’ ола биләр? (1 Кор. 15:33). Пис достлар сәни руһани ҹәһәтдән неҹә мәһв едә биләрләр? Мүгәддәс Китабын Дина һаггындакы һекајәтиндән нә өјрәнирсән? (Јар. 34:1, 2, 7, 19).
6 Мүасир драм. Тәнһалыг Тараја неҹә тә’сир ҝөстәрди? О, дүнјәви ҝәнҹләрлә достлуғуна неҹә бәраәт газандырырды? Онларын әһатәсиндә Тара һансы тәһлүкәли вәзијјәтлә үзләшди? Онун валидејнләри гызларынын башы үстүндәки тәһлүкәни нә үчүн ҝөрмүрдүләр, анҹаг онун руһани ҹәһәтдән гүввәтләнмәсинә һансы әһвал-руһијјә илә көмәк етдиләр? Пионер баҹы Тара үчүн әсл дост олдуғуну неҹә сүбут етди? Мәсиһчиләр, Сүлејманын мәсәлләри 13:20 вә Јеремја 17:9 ајәләриндә дејиләнләрә нә үчүн ҹидди јанашмалыдырлар? Тара өзүнә һансы мүһүм дәрси ҝөтүрдү?
7 Јекун. Сән бу филмдән нә өјрәндин? Башгаларына көмәк ҝөстәрмәк үчүн ондан неҹә истифадә етмәк олар? (Мәз. 71:17).