«Јүксәк кејфијјәтли тибби хидмәт һансыдыр?»
«Гансыз ҹәрраһијјә әмәлијјатына үстүнлүк верән хәстә ән јүксәк кејфијјәтли мүалиҹә алыр». Бу сөзләри һәким-анестезиолог Мајкл Роуз дејиб. «Гансыз тәбабәт» дејәндә нә нәзәрдә тутулур? Һансы үсул вә алтернативләрдән истифадә едилир? Кејфијјәтли тибби мүалиҹә вә ҹәрраһијјә әмәлијјатлары илә бағлы дүзҝүн гәрарлар гәбул етмәк үчүн бунлары билмәлисиниз. «Гансыз мүалиҹә. Әлдә едилән наилијјәтләр» филминә бахын. Сонра исә нөвбәти суалларын көмәји илә өз билијинизи јохлајын. (Гејд: Филмдә ҹәрраһијјә әмәлијјатларындан кадрлар ҝөстәрилдијиндән, валидејнләр филмә ушаглары илә бирликдә бахыб-бахмамағы гәрарлашдыраркән еһтијатлы олмалыдырлар).
1) Јеһованын Шаһидләринин ганкөчүрмәни инкар етмәләринин әсас сәбәби нәдир? 2) Јеһованын Шаһидләри неҹә мүалиҹәјә үстүнлүк верирләр? 3) Һәр бир хәстәнин һансы ваҹиб һүгугу вар? 4) Алтернатив ганкөчүрмә үсулларыны сечмәк нә үчүн ҹидди вә чох мәс’улијјәтли мәсәләдир? 5) Хәстә чох ган итирәндә, һәкимләр тез бир вахтда һансы ики мәгсәдә наил олмалыдырлар? 6) Алтернатив ганкөчүрмә һансы дөрд принсипә әсасланыр? 7) Һәкимләр а) ган иткисини неҹә азалда биләрләр? б) еритроситләри неҹә горуја биләрләр? ҹ) ганјаратманы неҹә тәнзимләјә биләрләр? д) итирилмиш ганы неҹә гајтара биләрләр? 8) а) Һемодилусија б) Реинфузија үсулларыны тәсвир един. 9) Алтернатив ганкөчүрмә илә әлагәдар һансы әлавә мә’луматы алмаг истәрдиниз? 10) Ган көчүрмәдән ҹидди вә мүрәккәб ҹәрраһијјә әмәлијјатларыны апармаг мүмкүндүрмү? 11) Һал-һазырда тибби даирәләрдә һансы тәгдирәлајиг дәјишикликләр едилмәкдәдир?
Филмдә ҝөстәрилән һәр һансы мүалиҹә үсулу илә разылашыб-разылашмамагла бағлы гәрары хәстә Мүгәддәс Китаба әсасән тәрбијә едилмиш виҹданына мүвафиг олараг верир. Өзүнүзә вә ушагларыныза һансы алтернатив ганкөчүрмә үсулларынын ујғун ҝәлдијини артыг гәрара алмысынызмы? Јеһованын Шаһидләри олмајан аилә үзвләриниз сизин гәрарыныздан вә онун сәбәбиндән там хәбәрдар олмалыдырлар («Ҝөзәтчи Гүлләси»нин 2004-ҹү ил 15 ијун вә 2000-ҹи ил 15 октјабр сајларындакы «Охуҹуларын суаллары» рубрикаларына бахын, рус.).