Гансыз мүалиҹә үсулларындан хәбәрдарсанмы?
Бүтүн дүнјада ҝетдикҹә даһа чох тибб мәркәзләриндә гансыз ҹәрраһијјәјә үз тутурлар. Тибб саһәсиндә мүмкүн олан бүтүн гансыз мүалиҹә үсуллары һаггында һәртәрәфли мәлуматын вармы? Тибби мүалиҹә вә ҹәрраһијјә әмәлијјаты илә бағлы дүзҝүн гәрарлар гәбул етмәк үчүн бунлары билмәлисән. «Гансыз мүалиҹә. Әлдә едилән наилијјәтләр» филминә (рус.) бах. Сонра исә, дуа едәрәк нөвбәти суалларын көмәји илә өјрәндикләрини тәкрар ет. (Гејд. Филмдә ҹәрраһијјә әмәлијјатларындан гыса кадрлар ҝөстәрилдијиндән валидејнләр филмә ушаглары илә бирликдә бахыб-бахмамағы гәрарлашдыраркән еһтијатлы олмалыдырлар).
1) Јеһованын Шаһидләринин ганкөчүрмәдән имтина етмәләринин әсас сәбәби нәдир? 2) Јеһованын Шаһидләри һансы мүалиҹәјә үстүнлүк верирләр? 3) Һәр бир хәстәнин һансы башлыҹа һүгугу вар? 4) Алтернатив үсуллар сечмәк нәјә ҝөрә ҹидди вә мәсулијјәтли мәсәләдир? 5) Хәстә чох ган итирәндә һәкимләр тез бир вахтда һансы ики тәдбири ҝөрмәлидирләр? 6) Алтернатив үсуллар һансы дөрд принсипә әсасланыр? 7) Һәкимләр а) ган иткисини неҹә азалда биләрләр, б) еритроситләри неҹә горуја биләрләр, в) ганјаратманы неҹә тәнзимләјә биләрләр, г) итирилмиш ганы неҹә гајтара биләрләр? 8) а) Һемодилусија, б) реинфузија үсулларыны тәсвир един. 9) Алтернатив үсулларла әлагәдар һансы әлавә мәлуматы алмаг истәрдиниз? 10) Ган көчүрмәдән ҹидди вә мүрәккәб ҹәрраһијјә әмәлијјатларыны апармаг мүмкүндүрмү? 11) Һал-һазырда тибби даирәләрдә һансы тәгдирәлајиг дәјишикликләр едилмәкдәдир?
Филмдә ҝөстәрилән һәр һансы мүалиҹә үсулу илә разылашыб-разылашмамагла бағлы гәрары һәр кәс Мүгәддәс Китаба әсасән тәрбијә едилмиш виҹданына мүвафиг олараг верир. Өзүн вә ушагларын үчүн мүалиҹә үсулларына даир ајдын мөвге тутмусанмы? Бундан сонра «Билдириш вә етибарнамә» сәнәдини долдурмусанмы? Бу мәсәләләрлә бағлы әтрафлы мәлумат алмаг үчүн «Ҝөзәтчи Гүлләси»нин 2004-ҹү ил 15 ијун (рус.) вә 2001-ҹи ил 1 феврал сајларындакы «Охуҹуларын суаллары» рубрикасына бах. Сонра һансы үсуллары гәбул едиб, һансылардан имтина едәҹәјинә даир шәхси гәрар гәбул етмәк үчүн «Бизим Падшаһлыг Хидмәтимиз»ин 2006-ҹы ил нојабр сајынын әлавә вәрәгәсиндәки «Мән ганын фраксијаларына вә өз ганымдан истифадә едиләрәк апарылан тибби проседуралара неҹә јанашырам?» адлы чәрчивәјә бах. Сонра сечимини дәгигликлә сәнәдә јаз. Сечдијин тибби мүдахиләјә даир нүмајәндәләрин вә Јеһованын Шаһиди олмајан аилә үзвләринин гәрарларын һаггында там мәлуматы олмалыдыр.