Ҝүҹүмүзү әсирҝәмәдән севинҹлә Јеһоваја хидмәт едирик!
1 Һәвари Павел Мәсиһчи хидмәтини јеринә јетирмәк наминә ‘сәрф едилмәјәʼ шад иди (2 Кор. 12:15, И–93). Бу ҝүн бир чох мәсиһчиләр дә пионер кими хидмәт едәрәк сә’ј ҝөстәрирләр. Башгалары исә ҹидди аилә мәс’улијјәтләринин олмасына бахмајараг, хидмәтдә мүнтәзәм иштирак етмәји дә өз графикләринә дахил едирләр. Бә’зиләринин сәһһәтлә бағлы ҹидди проблемләри олса да, өз мәһдуд гүввәләрини Падшаһлығын марагларынын инкишафына сәрф едирләр. Јаша вә ја шәраитләрә бахмајараг, Јеһованын халгынын өз ҝүҹүнү әсирҝәмәдән Јеһоваја хидмәт етдикләрини ҝөрмәк неҹә дә руһландырыҹыдыр!
2 Гоншуја мәһәббәт. Аллаһа вә гоншуја мәһәббәтдән ирәли ҝәләрәк Јеһоваја хидмәтдә әлимиздән ҝәләни етдикдә виҹданымыз тәмиз олур. Павел хош хәбәри тәблиғ етмәк ишини ҹанла-башла јеринә јетирдији үчүн севинҹлә дејә билди: «Буҝүнкү ҝүндә сизә шәһадәт едирәм ки, бүтүн инсанларын ганындан тәмизәм» (Һәв. иш. 20:24, 26; 1 Салон. 2:8). Шәраитимизин јол вердији гәдәр хидмәтдә иштирак етмәклә башгаларынын ганындан азад олаҹағыг (Јез. 3:18-21).
3 Гүввәмизи башгаларына көмәк етмәјә сәрф етмәк бизә хошбәхтлик ҝәтирир (Һәв. иш. 20:35). Бир гардаш дејир: «Е’тираф едирәм ки, бүтүн ҝүнү Јеһоваја хидмәт етдикдән сонра ахшам евә гајыданда јорғунлуг һисс едирәм. Амма хошбәхтәм вә Јеһоваја миннәтдарам ки, мәнә һеч кимин әлимдән ала билмәјәҹәји севинҹ вериб».
4 Аллаһа мәһәббәт. Ән ваҹиби одур ки, бу ҹүр фәдакар хидмәтимиз сәмави Атамызы мәмнун едир. Аллаһы севмәк бизи тәшвиг едир ки, Онун әмрләрини, һәмчинин тәблиғ етмәк вә шаҝирдләр һазырламаг тапшырығыны јеринә јетирәк (1 Јәһ. 5:3). Һәтта инсанлар е’тинасыз јанашанда вә ја мүгавимәт ҝөстәрәндә дә, биз Јеһоваја севинҹлә хидмәт етмәјә давам едирик.
5 Инди ләнҝимәјин вахты дејил. Биз мәһсул јығымы дөврүндә јашајырыг (Мат. 9:37). Мәһсул јығымында әкинчи адәтән тарлада чох ишләјир, чүнки хараб олмасын дејә мәһсул вахтында јығылмалыдыр. Руһани мәһсулун јығымы үчүн ајрылан вахт да мәһдуддур. Јашадығымыз зәманәни јадда сахлајараг, ҝәлин бүтүн ҝүҹүмүзү Јеһоваја хидмәтә сәрф едәк! (Лука 13:24; 1 Кор. 7:29-31).