«Имтаһана дөзән адам хошбәхтдир»
1 Бүтүн мәсиһчиләр сынаглара мә’руз галырлар (2 Тим. 3:12). Бу, сәһһәтлә, мадди чәтинликлә, ширникдириҹи шејләрлә, тә’гибләрлә бағлы вә ја бир чох башга сынаглар ола биләр. Сынаглара әл атмагда Шејтанын мәгсәди бизи зәифләтмәк, мәсиһчи хидмәтимизә е’тинасыз јанашмағымыза, һәтта Аллаһа ибадәтимизә сон гојмағымыза наил олмагдыр (Әјј. 1:9-11). Бәс имтаһанлара дөзмәк хошбәхтлијә неҹә сәбәб олур? (2 Пет. 2:9).
2 Өзүнү имтаһанлара һазырла. Јеһова бизә, Исанын һәјаты вә тә’лимләри һаггында мә’лумат да дахил олмагла, Өзүнүн һәгигәт Кәламыны вериб. Исанын дедикләринә гулаг асыб риајәт етмәклә мөһкәм тәмәл гојуруг вә бунунла да өзүмүзү сынаглара һазырлајырыг (Лука 6:47-49). Бизим башга көмәк мәнбәјимиз дә вар, бу, мәсиһчи баҹы-гардашларымыз, јығынҹаг ҝөрүшләри, һәмчинин садиг вә ағыллы гул синфинин һазырладығы Мүгәддәс Китаба әсасланан нәшрләрдир. Биз Аллаһын ән’амы олан дуадан дөнә-дөнә истифадә едирик (Мат. 6:13).
3 Јеһова бизә үмид дә верир. Јеһованын вә’дләринә иманымызы мөһкәмләндирәндә, ‘үмидимиз, ҹан лөвбәри кими мөһкәм вә мәтин’ олур (Ибр. 6:19). Гәдим дөврләрдә ҝәмичиләр һеч вахт, һәтта јахшы һаваларда белә, лиманы лөвбәрсиз тәрк етмәздиләр. Әҝәр ҝөзләнилмәдән гасырға гопардыса, лөвбәри салмагла ҝәминин дашлы саһилдә зәрбә алмасынын гаршысыны алардылар. Бунун кими дә, Аллаһын вә’дләринә индидән иман јетишдирмәклә, јаранан чәтинликләрин гасырғасында сарсылмаз оларыг. Чәтинликләр гәфилдән баш верә биләр. Павел илә Барнабанын Листра шәһәриндә тәблиғ хидмәтләрини әввәлҹә јахшы гаршыласалар да, јәһудиләрдән олан әлејһдарларын ҝәлиши илә вәзијјәт дәрһал дәјишди (Һәв. иш. 14:8-19).
4 Дөзүмлүлүк хошбәхтлик ҝәтирир. Мүгавимәтләрә бахмајараг, хидмәтдә мөһкәм галмағымыз бизә гәлб раһатлығы верир. Биз Мәсиһин ады наминә тәһгир едилмәјә лајиг ҝөрүлән заман севинирик (Һәв. иш. 5:40, 41). Сынаглара дөзмәк тәвазөкарлыг, итаәткарлыг вә тәһәммүл кими хүсусијјәтләр инкишаф етдирмәјимизә көмәк едир (Ганун. т. 8:16; Ибр. 5:8; Јаг. 1:2, 3). Бу бизә Јеһоваја бел бағламағы, Онун вә’дләринә е’тибар етмәји вә Она сығынмағы өјрәдир (Сүл. мәс. 18:10).
5 Биз сынагларын мүвәггәти олдуғуну билирик (2 Кор. 4:17, 18). Сынаглар, Јеһоваја мәһәббәтимизин нә дәрәҹәдә ҝүҹлү олдуғуну ҝөстәрмәјә әлверишли фүрсәт верир. Сынаглара дөзмәклә, Шејтанын иттиһамларына ҹаваб верә биләрик. Буна ҝөрә дә, ҝәлин мәғлуб олмајаг! «Имтаһана дөзән адам хошбәхтдир. Чүнки сынагдан уғурла чыхаркән... һәјат таҹыны алаҹагдыр» (Јаг. 1:12).
[Гејд:]
(Нәшрин өзүндә бу мәгаләнин давамы 2-ҹи сәһифәдә јерләшир)