Тәһәммүл мүкафатландырылыр
1 “Өз ҹанларынызы сәбирлә [тәһәммүл илә] хилас един” (Лука 21:19). Исанын “дөврүн сонуна” даир сөјләдији пејғәмбәрлијин бир һиссәсини тәшкил едән бу сөзләр ајдын ҝөстәрир ки, биз садиг мәсиһчиләр гаршыда олаҹаг сынагларла гаршылашмаға һазыр олмалыјыг. Јеһованын көмәји сајәсиндә һәр биримиз ахыра гәдәр тәһәммүл едә вә хилас ола биләр (Мат. 24:3, 13; Филип. 4:13).
2 Тә’гибләр, хәстәликләр, пул чатышмазлығы вә ниҝаранчылыглар уҹбатындан, јашадығымыз һәр ҝүн бизим үчүн сынаға чеврилә биләр. Лакин һеч вахт унутмаг лазым дејил ки, Шејтан бизим Јеһоваја олан садиглијимизи сындырмаг истәјир. Сәмави Атамыза сәдагәтлә хидмәт етдијимиз һәр бир ҝүн, Јеһованын Шејтанын ришхәндләринә вердији даһа бир ҹавабдыр. Јеһованын чәтин анларда ахытдығымыз ‘ҝөз јашларыны’ һеч вахт унутмадығыны билмәк неҹә дә тәсәлливериҹидир! Бу ҝөз јашлары Јеһова үчүн гијмәтлидир вә биз өз сәдагәтлијимизлә Онун үрәјини севиндиририк! (Мәз. 56:8; Сүл. мәс. 27:11).
3 Сынагларда тәмизләнирләр. Ҝәрҝин вәзијјәтләрдә иманымызын зәиф олдуғу, јахуд да ҹидди чатышмазлыгларымызын, мисал үчүн, мәғрурлуг вә ја сәбирсизлик кими кејфијјәтләримизин олдуғу ашкар олуна биләр. Сынаглардан Мүгәддәс Китаба зидд олан үсулларла јаха гуртармаг вә ја онлара сон гојмаг үчүн имканлар ахтармаг әвәзинә, биз Аллаһын Кәламына диггәт јетирмәлијик ки, “тәһәммүл... өз әмәлини икмал етсин”. Нәјә ҝөрә? Чүнки сынаглар заманы тәһәммүл едәрәк, биз һәр ҹәһәтдән “камил вә там” ола биләрик (Јаг. 1:2-4). Тәһәммүл бизә дәрракәли олмаға, шәфгәт вә мәрһәмәт кими гијмәтли кејфијјәтләр инкишаф етдирмәјә көмәк едир (Ром. 12:15).
4 Иманын сынагдан кечмәси. Чәтинликләрә тәһәммүллә таб ҝәтирәрәк, биз Аллаһын ҝөзүндә гијмәтли олан сынагдан кечмиш имана малик олуруг (1 Пет. 1:6, 7). Бу ҹүр иман ҝәләҹәкдә олаҹаг сынагларын гаршысында сарсылмаз олмағымыза көмәк едир. Бундан әлавә, Аллаһын бизи бәјәндијини даһа чох һисс едирик, үмидимиз исә мөһкәмләнир вә даһа реал олур (Ром. 5:3-5).
5 Јагуб 1:12 (И–93) ајәсиндә тәһәммүл едәнләр үчүн ән јүксәк мүкафат һаггында дејилир: “Имтаһана тәһәммүл едән адам, хошбәхтдир. Чүнки сынагдан мүвәффәгијјәтлә чыхдығы заман Рәббин, Ону севәнләрә вә’д етдији һәјат таҹыны алаҹагдыр”. Ҝәлин Јеһоваја сәдагәтлә бағлы галаг вә јадда сахлајаг ки, О, ‘Ону севәнләри’ сәхавәтлә мүкафатландыраҹаг.