Јеһоваја аиләнизлә бирҝә хидмәт един
1 Кечмишдә аилә үзвләри чох ишләри бирликдә јеринә јетирирдиләр. Онлар ҝүндәлик ишләри бирҝә ҝөрмәклә јанашы, әсасән дә Јеһоваја аиләликлә ибадәт едирдиләр (Лев. 10:12-14; Ганун. т. 31:12). Бу ҝүн бир чох јерләрдә аилә үзвләри бирликдә чох аз вахт кечирирләр. Лакин мәсиһчиләр, аиләнин бирҝә фәалијјәт ҝөстәрмәсинин, хүсусилә дә бирҝә ибадәт етмәсинин ваҹиблијини анлајырлар. Аиләләрин Она бирҝә ибадәт етмәсини ҝөрмәк аилә Банисини неҹә дә севиндирир!
2 Аиләнизлә бирҝә тәблиғ един. Хош хәбәри бирҝә тәблиғ етмәк аилә телләрини мөһкәмләндирир. Буна ҝөрә дә, јығынҹагда башгалары илә әмәкдашлыг етмәкдән әлавә, ағсаггал мүнтәзәм олараг өз һәјат јолдашы вә ушаглары илә дә тәблиғ едир (1 Тим. 3:4, 5). Графикләринин ағыр олмасына бахмајараг, һәтта сәјјар нәзарәтчиләр дә өз һәјат јолдашлары илә хидмәт етмәји планлашдырырлар.
3 Өвладлары илә тәблиғ едән валидејнләр ушагларына тәблиғчи кими инкишаф етмәкдә көмәклик едирләр. Ушаглар валидејнләринин тәкҹә хидмәтдән алдыглары севинҹи јох, һәмчинин онларын Јеһоваја вә инсанлара мәһәббәтләринин тәзаһүрүнү дә ҝөрәҹәкләр (Ганун. т. 6:5-7). Валидејнләрин өз ушаглары илә тәблиғ етмәсинин ваҹиблији онлар бөјүдүкҹә дә азалмыр. Бир әр-арвад 15-21 јашларында олан үч оғлу илә мүнтәзәм олараг тәблиғдә әмәкдашлыг едирләр. Ата дејир: «Биз һәр дәфә онлара нә исә өјрәдирик. Вә әмин олуруг ки, бу, севиндириҹи вә тәшвигедиҹи тә’сир бағышлајыр».
4 Бирликдә һазырлашын. Аиләләр тәблиғ хидмәтинә бирҝә һазырлашмағын фајдалы олдуғунун шаһиди олмушлар. Мәшг едәркән тәгдимә етмәји вә ја ев саһиби ролунда олмағы ушаглар чох хошлајырлар. Бә’зиләри буна, аиләви өјрәнмәнин сонунда бир нечә дәгигә вахт ајырырлар.
5 Севдијимиз инсанларла ән ваҹиб вә мәмнунедиҹи ишдә иштирак едәндә севинҹимиз артыр. Аилә үзвләринин бирҝә евдән-евә тәблиғ етмәләри, һәмчинин тәкрар башчәкмә вә Мүгәддәс Китаб өјрәнмәси апармалары онлара неҹә дә севинҹ ҝәтирир! Јеһоваја аиләнлә бирликдә хидмәт етмәклә, үрәкдән дејә биләрсән: «Мән вә мәним евимдәкиләр Рәббә гуллуг едәҹәк» (Јешуа 24:15).