Филиалын мәктубу

Падшаһлығын әзиз тәблиғчиләри!

Биз, Ҝүрҹүстандакы офисин нәздиндә олан өлкәләрин 2007-ҹи хидмәт или әрзиндә хидмәтдә мүшаһидә олунан тәрәггини ҝөрәрәк чох севинирик. Сентјабрдан башлајараг һәр ај даими пионерләрин сајы артырды вә апрел ајында ән јүксәк сај 3 728 нәфәр тәшкил етмишди. Хатирә Ҝеҹәси әрәфәсиндә көмәкчи пионер кими хидмәт етмәк гәрарына ҝәләнләри ҝөрмәк чох севиндириҹи иди. Апрел ајында онларын сајы 3 999 нәфәр олмушду. Беләликлә, әразимиздә јерләшән јығынҹагларын һәр дөрдүнҹү үзвү Хатирә Ҝеҹәси әрәфәсиндә пионер хидмәтинин һансыса нөвүндә иштирак етмишди. Бу, Иса Мәсиһин Хатирә Ҝеҹәсинә ҝәләнләрин сајында чох јахшы әкс олунду вә бу ил Хатирә Ҝеҹәсиндә 60 055 нәфәр иштирак етмишди.

«Јалан динин сону јахындыр!» адлы 37 нөмрәли трактатын пајланмасы үзрә октјабр ајында кечирилән кампанија Јеһованын халгыны чох руһландырды. Үмуми һесабла, биз 620 711 трактат пајламышыг. Бүтүн бу тәдбирләр көмәк етди ки, биз һамымыз бу хидмәт илиндә ҝөстәрдијимиз сә’ји горујуб сахлајаг. Бу сә’ј индијәдәк наил олунмамыш чохсајлы Мүгәддәс Китаб өјрәнмәләринә ҝәтириб чыхарды.

Бу кими кампанијаларын мәгсәди, сәмими инсанлара Мүгәддәс Китабын әслиндә нә өјрәтдијини билмәјә көмәк етмәкдир (Мат. 28:19, 20). Тәблиғ едәркән мараг ҝөстәрән һәр бир адама Мүгәддәс Китаб өјрәнмәси башламаг мәгсәдилә тәкрар баш чәкин. Биз үмидварыг ки, әразимиздә јашајан сәмими инсанлары ахтармаг вә онлара көмәк етмәк үчүн ҝөстәрдијимиз сә’ји Јеһова бундан сонра да бол-бол хејир-дуаландыраҹаг. Бу ваҹиб ишдә сизинлә чијин-чијинә чалышмаға чох шадыг. Сизи сәмими гәлбдән севдијимизә әмин едирик.

Сизин гардашларыныз,

Ҝүрҹүстандакы офис