Рәһбәрлик Шурасынын мәктубу
Падшаһлығын әзиз тәблиғчиләри!
Сон ајлар Јеһованын Загафгазија өлкәләриндәки хидмәтчиләри үчүн чох зәнҝин олмушдур. Ҝүрҹүстандакы офисдә хидмәт едән гардашлар «зәһмәт чәкир» вә бир нечә јени тикинти лаһијәләринин һазырланмасында сә’ј ҝөстәрмишләр (1 Тим. 4:10). Јеһованын бирҝә сәрф етдијимиз гүввәјә хејир-дуа вермәси сајәсиндә чох иш ҝөрүлмүшдүр. Ајдын ҝөрүнүр ки, Јеһова «әкиләни бөјүдән Аллаһдыр» (1 Кор. 3:6, 7).
Јени хидмәт илинин башланғыҹында Загафгазијада јени бир вилајәт вә ики рајон тәшкил олунмушдур. Биз чох шадыг ки, Рәһбәрлик шурасы бу јахынларда бизим әразидә хидмәт етмәк үчүн бир нечә рајон нәзарәтчиси тә’јин етмишдир. Март ајында 16 мүвәггәти хүсуси пионер тә’јин олунмушдур. Онлар јени әразиләрдә вә бә’зи әҹнәбидилли әразиләрдә сә’јлә тәблиғ едирдиләр. Онлар орта һесабла, һәр ај 148 саат тәблиғ етмиш вә 100-дән артыг журнал пајламышлар. Мүвәггәти хидмәт етмәләринә бахмајараг, онлар мүнтәзәм олараг 6 Мүгәддәс Китаб өјрәнмәси кечирирдиләр.
Загафгазијада хидмәт едән тәблиғчиләрин ән јүксәк саја наил олмалары илә јанашы, март вә апрел ајларында хидмәтин мүхтәлиф нөвләриндә әлдә едилән нәтиҹәләр бизим һамымызы севиндирир. Хатирә Ҝеҹәсинә ҝәләнләрин ән јүксәк сајы — 52 923 нәфәр олмушдур, бу исә ҝөзләдијимиздән дә артыг олду! 2005-ҹи илин март ајында даими пионерләрин јүксәк сајы 3 050 нәфәр иди.
Көмәкчи вә даими пионерләрин үмуми сајынын, 2005-ҹи илин март ајында һесабат верән тәблиғчиләрин сајынын 25 фаизини тәшкил етмәси дә чох севиндириҹидир. Бу исә о демәкдир ки, өтән илин мартында Загафгазијада хидмәт едән тәблиғчиләрдән дөрддә бири пионер олмушдур! Онлар ән јүксәк тә’рифә лајигдирләр. 2005-ҹи хидмәт или һәгигәтән дә әламәтдар ил олмушдур: мисилсиз дәрәҹәдә јүксәк ҝөстәриҹиләр тәблиғ һаггындакы һесабатын һәр бир графасында гејд олунмушдур.
Тәблиғчиләр вә пионерләр һәр јердә ағсаггалларын рәһбәрлији алтында инсанларын ҝөстәрдикләри марағы инкишаф етдирир вә Мүгәддәс Китабы өјрәнәнләри Аллаһын тәшкилатына јөнәлдирләр. Һәмчинин ајдын ҝөрүнүр ки, евдән-евә тәблиғ заманы хош хәбәр даһа чох «ләјагәтли» оланлара чатмышдыр (Мат. 10:11). Хош хәбәри јајмаг үчүн бу мүгәддәс хидмәтдә иштирак етмәк неҹә дә бөјүк шәрәфдир! (Ром. 15:15, 16).
Сизин гардашларыныз,
Јеһованын Шаһидләринин Ҝүрҹүстандакы офиси.