Дүнјада индијәдәк ҝөрүнмәмиш ән бөјүк тәблиғ кампанијасы!
Јеһованын Шаһидләри 100 илдән артыгдыр ки, мүтәшәккил сурәтдә хош хәбәри инсанларла бөлүшүрләр (1 Кор. 9:23). Дүнјада индијәдәк ҝөрүнмәмиш бу бөјүк тәблиғ кампанијасында бу хәбәри јүзләрлә дилдә чатдырырыг. Биз бу хәбәри 230-дан артыг өлкә вә әразидә е’лан едирик (Мат. 24:14). Бәс нә үчүн бу, ваҹиб ишдир? Онун үмумдүнја мигјасда һәјата кечирилмәсинә неҹә наил олунмушдур?
«Јеһованын Шаһидләри — хош хәбәри бөлүшмәк үчүн тәшкил олунублар» филминдә бејнәлхалг фәалијјәтимизин бир чох јөнләринә јахындан нәзәр салынараг бу суаллара ҹаваб верилир. Филмә бахаркән ашағыдакы суалларын үзәриндә дүшүн: 1) Бизим фәалијјәтимиз неҹә тәшкил олунуб вә неҹә идарә едилир? 2) Јазы шө’бәси, Тәрҹүмәчи групларына хидмәт үзрә шө’бә, Рәссамлыг вә Аудио/Видео хидмәтләри шө’бәси хош хәбәрин јајылмасында һансы ролу ојнајыр? 3) Әдәбијјатларын бөјүк тиражла чап едилмәсиндә вә ҝөндәрилмәсиндә мәгсәд нәдир? (Јәһ. 17:3). 4) Бир илдә нә гәдәр әдәбијјат чап олунур? 5) Мүгәддәс Китаба әсасланан әдәбијјатлар сајәсиндә нә әлдә олунур? (Ибр. 4:12). 6) Ешитмә вә ҝөрмә габилијјәтләри зәиф оланлара руһани ҹәһәтдән көмәк етмәк үчүн нә едилир? 7) Бизим фәалијјәтимиз неҹә малијјәләшдирилир? 8) Хәстәхана мә’лумат хидмәти, хидмәти вә конгрес шө’бәләринин ишинин бизә һансы фајдасы вар? 9) Јеһованын Шаһидләриндән бири кими, бу филм сәнин а) Јеһованын тәшкилатынын хош хәбәрин тәблиғи үчүн ҝөстәрдији сә’јә, б) бүтүн дүнјада 100-дән артыг Бет-Ел аиләсинә, ҹ) нәзарәтчиләрә вә миссионерләрә верилән тә’лимә, ч) һәр ҝүнү Мүгәддәс Китаб ајәсини арашдырмагла башламағын вә һәр һәфтә јығынҹаг ҝөрүшләринә һазырлашмағын ваҹиблијини анламаға көмәк етдијинә, д) Мәсиһчи ҝөрүшләринин ҝәтирдији фајдалара, е) јерүзү Ҹәннәтин нә демәк олдуғуну анламаға көмәк етдијинә (Јешаја 11:9), ә) мәһсул јығымында шәхсән иштирак етдијинә (Јәһ. 4:35) ҝөрә миннәтдарлығыны неҹә артырды?
Филми гоһумларына, танышларына, тәкрар баш чәкдијин вә Мүгәддәс Китабы өјрәтдијин адамлара ҝөстәрәркән онларын нә хошуна ҝәлиб? Нә үчүн бу филми башгаларына да ҝөстәриб хош хәбәри онларла бөлүшмәјәсән? (Мат. 28:19, 20).