«Јеһованын Шаһидләри — хош хәбәри бөлүшмәк үчүн тәшкил олунублар»
Јеһованын Шаһидләри 100 илдән чохдур ки, мүтәшәккил сурәтдә хош хәбәри инсанларла бөлүшүрләр. Дүнјада индијәдәк ҝөрүнмәмиш ән бөјүк тәблиғ кампанијасында хош хәбәри јүзләрлә дилдә вә 230-дан артыг өлкә вә әразидә бәјан едирик (Матта 24:14). Бу иш нә үчүн ваҹибдир? Онун үмумдүнја мигјасында һәјата кечирилмәсинә неҹә наил олунмушдур? «Јеһованын Шаһидләри — хош хәбәри бөлүшмәк үчүн тәшкил олунублар» филминдә бејнәлхалг фәалијјәтимизин бир чох јөнләринә јахындан нәзәр салынараг бу суаллара ҹаваб верилир. Филмә бахдыгдан сонра ашағыдакы суалларын үзәриндә дүшүн.
Бу филм сәнин 1) Јеһованын тәшкилатынын хош хәбәрин тәблиғи үчүн ҝөстәрдији сәјә (2 Тим. 4:2), 2) бүтүн дүнјадакы Бет-Ел аиләләринә, 3) нәзарәтчиләрә вә миссионерләрә верилән тәлимә (2 Тим. 2:2), 4) һәр ҝүнә Мүгәддәс Китаб ајәсини арашдырмагла башламағын вә һәр һәфтә јығынҹаг ҝөрүшләринә һазырлашмағын ваҹиблијини анламаға көмәк етдијинә (Һәв. иш. 17:11), 5) мәсиһчи ҝөрүшләринин ҝәтирдији фајдалара (Ибр. 10:24, 25), 6) јер үзүндә Ҹәннәт бәрпа олунан заман әлдә едәҹәјин хејир-дуалара (Јешаја 11:9), 7) мәһсул јығымында шәхсән иштирак етдијинә (Јәһ. 4:35) ҝөрә миннәтдарлығыны неҹә артырды?
Бу филм мараглананлары Јеһованын Шаһидләринин үмумдүнја мигјасында ҝөрдүкләри ишлә таныш етмәк үчүн әла вәсаитдир. 8) Бу филми Мүгәддәс Китабы өјрәтдијимиз инсанлара, гоһумларымыза вә башгаларына нә вахт ҝөстәрмәк јахшы оларды? 9) Бу филми ҝөстәрдијин инсанларда һансы хош тәәссүратлар јараныр?
Јеһованын һәјата кечирдији ишләрин үзәриндә дүшүндүкҹә биз мәзмурчунун сөзләринә гошулуруг: «Ја Рәбб Аллаһым, Сәнә бәнзәјән јохдур! Бизә аид харигәләрин, дүшүнҹәләрин чохдур. Онлардан данышмаг истәсәм, белә дејәрдим: “Сајы-һесабы јохдур”» (Мәз. 40:5). Ҝәлин бу филмдән сәмәрәли шәкилдә истифадә едәрәк башгаларына Јеһоваја вә Онун тәшкилатына миннәтдарлыгларыны артырмагда көмәк едәк!