Ҝөзәтчи гүлләсинин ОНЛАЈН КИТАБХАНАСЫ
Ҝөзәтчи гүлләсинин
ОНЛАЈН КИТАБХАНАСЫ
Aзәрбајҹан (кирил әлифбасы)
Ә
  • Ғ
  • ғ
  • Ә
  • ә
  • Ј
  • ј
  • Ҝ
  • ҝ
  • Ө
  • ө
  • Ү
  • ү
  • Һ
  • һ
  • Ҹ
  • ҹ
  • МҮГӘДДӘС КИТАБ
  • НӘШРЛӘР
  • ИБАДӘТ ҜӨРҮШЛӘРИ
  • km 9/08 с. 4
  • İnsanlara Yehovanı sevməyi öyrət

Бу сечим үчүн видео мөвҹуд дејил.

Тәәссүф едирик, видеону јүкләмәк мүмкүн олмады.

  • İnsanlara Yehovanı sevməyi öyrət
  • Мүгәддәс ибадәтимиз 2008
  • Охшар материал
  • Сәни севән Аллаһы сев
    Ҝөзәтчи гүлләси 2006
  • Аллаһын Јеһованы сев
    Ҝөзәтчи гүлләси 2014
  • Мәһәббәтлә өјрәдәрәк Исаны тәглид един
    Ҝөзәтчи гүлләси 2009
  • Гојмајын мәһәббәтиниз сојусун
    Ҝөзәтчи гүлләси 2017
Әлавә
Мүгәддәс ибадәтимиз 2008
km 9/08 с. 4

Инсанлара Јеһованы севмәји өјрәт

1. Бәзиләрини Јеһоваја ҹәлб едән нәдир?

1 Илк дәфә Јеһова һаггында ешитдијин вахт јадына ҝәлирми? Сәни Она ҹәлб едән нә олду? Бир чох сәмими гәлбли инсанлар дејәҹәкләр ки, онлар Јараданымыза мисилсиз кејфијјәтләри, хүсусилә дә мәрһәмәти вә мәһәббәти һаггында өјрәнмәјин сајәсиндә јахынлашмышлар (1 Јәһ. 4:8).

2, 3. Мүгәддәс Китабы өјрәнәнләрин Јеһоваја мәһәббәтинин артмасы үчүн «Мүгәддәс Китаб өјрәдир» китабындан неҹә истифадә едә биләрик?

2 «Будур бизим Аллаһымыз!» «Мүгәддәс Китаб өјрәдир» китабы Јеһованын мәһәббәтини вә Онунла шәхси мүнасибәтләрин олмасынын ваҹиблијини хүсуси вурғулајыр. Инсанларын Аллаһа мәһәббәтини артырмаг үчүн бу нәшрдән неҹә истифадә едә биләрик? Диггәти јени фикирләрә јөнәлдәндә инсана дүшүндүрүҹү суаллар вермәк олар: «Бу, Јеһова һаггында һансы һәгигәти ачыглајыр?», јахуд «Бу фикир неҹә сүбут едир ки, Јеһова арзу едә биләҹәјимиз ән јахшы Атадыр?» Бу ҹүр өјрәтмәк өјрәнәнә Јеһова илә өмүрлүк мүнасибәт гурмаға көмәк едәр.

3 Өјрәнән адама ваһид һәгиги вә јашајан Аллаһла таныш олмағын неҹә бөјүк үстүнлүк олдуғуну баша дүшмәјә көмәк едәндә, онлар Јешаја кими: «Будур бизим Аллаһымыз!» дејәрәк Јеһованы гәбул едәҹәкләр (Јешаја 25:9). Аллаһын Кәламыны баша саланда, Иса Мәсиһин рәһбәрлик етдији һөкумәт васитәсилә Јеһованын нијјәтинин һәјата кечмәси сајәсиндә бәшәријјәтин неҹә хејир-дуа алаҹағыны хүсусилә вуғуламалыјыг (Јешаја 9:6, 7).

4, 5. Јеһованы севмәк нә демәкдир?

4 Јеһоваја мәһәббәтин сүбуту. Билирик ки, Јеһованы бүтүн гәлбимизлә, бүтүн варлығымызла вә бүтүн дүшүнҹәмизлә севмәк Аллаһа гаршы садәҹә ҝүҹлү һиссләр дујмаг демәк дејил. Биз Онун дүшүнҹә тәрзини мәнимсәмәли вә она әсасән давранмалыјыг (Мәз. 97:10). Аллаһа мәһәббәт Онун бүтүн әмрләринә там итаәткарлыг ҝөстәрмәкдә, сынаг вә мүгавимәтләр гаршысында белә ‘мүгәддәс вә Аллаһа ихласкар бир һәјат јашамаға’ давам етмәкдә өзүнү бүрузә верир (2 Пет. 3:11; 2 Јәһ. 6).

5 Мәһәббәтдән ирәли ҝәләрәк Аллаһын ирадәсини јеринә јетирмәјимиз Она хошдур (Мәз. 40:8). Мүгәддәс Китабы өјрәнән дәрк етмәлидир ки, Аллаһын бүтүн әмрләри Онун хидмәтчиләринин әбәди рифаһы үчүндүр (Ганун. т. 10:12, 13). Јеһованын рәһбәрлијинә ујғун јашамагла инсан Онун бүтүн ҝөзәл ишләри үчүн дәрин миннәтдарлыг тәзаһүр етдирир. Өјрәнәнә Јеһованын салеһ јоллары илә ҝетмәјин инсаны бир чох үрәк ағрыларындан горудуғуну баша дүшмәјә көмәк ет.

6. Јеһованы севән инсан һансы хејир-дуалары ала биләр?

6 Аллаһы севәнләр үчүн хејир-дуалар. Јеһова Ону севән һәлим инсанларла сәмими-гәлбдән марагланыр вә онлара Өзүнүн ‘дәрин дүшүнҹәләрини’ ачыр (1 Кор. 2:9, 10). Јеһованын нијјәтләри һаггында бу ҹүр билијә саһиб олдуглары үчүн онлар ҝәләҹәјә никбин вә үмидлә бахырлар (Јер. 29:11). Јеһованы севәнләр Ондан һәдсиз хејирхаһлыг ҝөрүрләр (Чых. 20:6). Аллаһ онлара бөјүк мәһәббәт бәсләдијиндән, онлар әбәди јашамаға үмид едирләр (Јәһ. 3:16).

7. Инсанлара Јеһова һаггында өјрәтмәјә неҹә јанашырсан?

7 Сәмави Атамыз һаггында нә гәдәр өјрәнириксә, бир о гәдәр дә башгалары илә бөлүшмәлијик (Мат. 13:52). Инсанлара, хүсусилә дә өвладларымыза Јеһованы севмәји өјрәтмәк неҹә дә бөјүк шәрәфдир! (Ганун. т. 6:5-7). Ҝәлин Јеһованын ‘бол хејирхаһлығыны’ Өз үзәримиздә һисс етдикҹә Мүгәддәс Китабы өјрәтдијимиз адамларла бирликдә һәмишә Она һәмд едәк (Мәз. 145:7).

    Азәрбајҹан (кирил) нәшрләри (2000—2025)
    Чыхыш
    Дахил ол
    • Aзәрбајҹан (кирил әлифбасы)
    • Пајлаш
    • Параметрләр
    • Copyright © 2025 Watch Tower Bible and Tract Society of Pennsylvania
    • Истифадә шәртләри
    • Мәхфилик гајдалары
    • Настройки конфиденциальности
    • JW.ORG
    • Дахил ол
    Пајлаш