Охумағы баҹармајанлары өјрәт
1. Һәрдән хидмәтдә һансы чәтинликлә гаршылаша биләрик?
1 Хидмәтдә оланда һәрдән охумаға чәтинлик чәкән инсанларла гаршылашырыг вә онлара һәгигәти неҹә өјрәдәҹәјимизи билмирик. Белә вәзијјәтдә нә едә биләрик?
2. Охумағы баҹармајанларын ләјагәтинә неҹә вә нә үчүн һөрмәт етмәлијик?
2 Онларын ләјагәтинә һөрмәт ет. Јеһова үчүн инсанын дүнјәви тәһсили јох, үрәјинин вәзијјәти ваҹибдир (1 Шам. 16:7; Сүл. мәс. 21:2). Буна ҝөрә дә, биз охумағы баҹармајан инсанлара јухарыдан ашағы бахмамалыјыг. Онлара һөрмәт вә сәбирлә јанашарыгса, чох еһтимал ки, бизим көмәјимизи гәбул едәҹәкләр (1 Пет. 3:15). Бунун үчүн онун мәтни вә ја абзасы охумасыны тәкид етмәк лазым дејил. Инсан дәјәрли Мүгәддәс Китаб һәгигәтләри һаггында даһа чох шеј өјрәндикҹә Аллаһын Кәламыны «ҝеҹә-ҝүндүз» охумағын севинҹини дујмаг үчүн онда охумаг габилијјәтини јахшылашдырмаг истәји јарана биләр (Мәз. 1:2, 3).
3. Охумағы баҹармајанлары өјрәтмәк үчүн һансы үсулдан истифадә етмәк олар?
3 Мүгәддәс Китабы өјрәтмәјин мүхтәлиф үсуллары. Шәкилләр инсанлары өјрәтмәк вә онлара өјрәндикләрини јадда сахламаға көмәк етмәк үчүн ҝөзәл васитәдир. Өјрәнәндән истифадә етдијин нәшрдәки шәкилдә нә ҝөрдүјүнү данышмағы хаһиш едә биләрсән. Сонра шәкилдәкиләри баша дүшмәсинә көмәк етмәк үчүн өзүндән суаллар вер. Шәкилдә вурғуламаг истәдијин фикирләри өјрәдән ајәләрдән истифадә ет. Шәкилләрдән дәрсин тәкрары үчүн дә истифадә етмәк олар. Бир дәфәјә һәддән артыг чох материал кечмә. Мөвзуну вә әсас бәндләри вурғула, нәшрдә ҝәтириләндән әлавә мәлумат вермә. Ајәләри бирбаша Мүгәддәс Китабдан оху вә өјрәнәнин охудугларыны баша дүшдүјүнә әмин олмаг үчүн суаллар вер. Бу, даһа чох Мүгәддәс Китаб һәгигәтләрини өзүнүн ахтармасы үчүн онда охумаг габилијјәтини јахшылашдырмаг истәјини артыра биләр.
4. Өјрәнәнләрә охумаг габилијјәтини јахшылашдырмаға неҹә көмәк едә биләрик?
4 Охумағы јахшылашдыран вәсаитләр. Охумағы баҹармајан вә ја сәлис охумағы өјрәнмәк имканы олмајан адамлар мәлуматы јахшы гаврајыб јадда сахлаја биләрләр. Сән белә адамлары әдәбијјатларымызын аудио јазыларына гулаг асмаға тәшвиг едә биләрсән. Диггәтлә гулаг асаркән материалы чап олунмуш нүсхәдә изләмәк, һәтта сөзләри алчаг сәслә тәкрар етмәк она охумаг габилијјәтини јахшылашдырмаға көмәк едәҹәк. Бәзи әразиләрдә ағсаггаллар јығынҹагда оху үзрә синифләр тәшкил едә биләрләр. Бу практики мәсләһәтләр охумағы баҹармајан адамларын хилас ҝәтирән һикмәти вермәјә гадир олан «Мүгәддәс Јазылары» баша дүшмәләринә көмәк етмәкдә бизә јардымчы олаҹаг (2 Тим. 3:15).