Үзүндән охумаға чәтинлик чәкәнләрә неҹә көмәк едә биләрик?

1. Үзүндән охумаға чәтинлик чәкән инсанларла Мүгәддәс Китабы арашдырмагла бағлы һансы чәтинликләр јарана биләр?

¹ Үзүндән охумаға чәтинлик чәкән сакинләринә руһани мөвзу мараглы ҝәлә биләр, лакин Мүгәддәс Китаб вә ја башга китаблар онлары үркүдә биләр. Илк дәфәдән онлара «Мүгәддәс Китаб өјрәдир» китабыны тәклиф етсәк, һеч дә јахшы олмаз. Бәс онда онлара неҹә көмәк едә биләрик? Биз 20-дән чох өлкәдә тәҹрүбәли тәблиғчиләр арасында сорғу кечирмишик. Онларын тәклифләри нөвбәти абзасларда гејд олунуб.

2. Һансы вәсаитләр васитәсилә үзүндән охумаға чәтинлик чәкән инсанларла өјрәнмә кечирмәк олар?

² Әҝәр марагланан пис охујур вә ја һеч охуја билмирсә, онда өјрәнмәни «Аллаһын сөзүнә гулаг ас» вә ја «Аллаһын сөзүнә гулаг ас вә әбәдијјән јаша» брошүрасындан башлаја биләрсән. Бирләшмиш Штатлардан олан бир пионер гардаш марагланана бу брошүралары ҝөстәрир вә ондан һансы илә арашдырмаг истәдијини сорушур. Кенија филиалы гејд едир ки, бу вәсаитләр елә Африка ҹамааты үчүндүр. Чүнки онлар үчүн суал-ҹаваб шәклиндә мүзакирәләр јох, нәгл етмәклә өјрәнмә кечирмәк даһа тәсирли олур. Тәһсилли адама охујуб суал-ҹаваб шәклиндә мүзакирә етмәк асан олса да, бу үсул аз тәһсилли адам үчүн чәтин ола биләр. Буна ҝөрә дә, әҝәр кимсә үзүндән охумаға чәтинлик чәкирсә, әксәр тәблиғчиләр «Аллаһын сөзүнә гулаг ас», «Аллаһын сөзүнә гулаг ас вә әбәдијјән јаша» брошүраларындан вә ја «Мүгәддәс Китаб һекајәләри» китабындан истифадә едирләр.

3. Охуја билмәјән инсанларла өјрәнмә кечирмәкдә еффектив олмаг үчүн биздән нә тәләб олунур?

³ Тәрифлә. Адәтән, охуја билмәјән инсан сыхыла вә өзүнү дәјәрсиз һисс едә биләр. Онлара һәгигәти өјрәдәркән атмалы олдуғумуз илк аддым сыхылмамалары үчүн јахшы атмосфер јаратмагдыр. Охумағы баҹармајан инсанлар, адәтән, ағыллы вә ҝөтүрмә габилијјәтли олур. Онлара һөрмәт вә еһтирам ҝөстәрмәлијик (1 Пет. 3:15). Әҝәр бу инсанлар ҝөрсәләр ки, ҝөстәрдикләри ҹәһдләр гијмәтләндирилир, онда өјрәнмәни давам едәҹәк вә руһани аддым атаҹаглар. Буна ҝөрә дә онлары һәмишә тәрифлә.

4. Үзүндән охумаға чәтинлик чәкәнләри дәрсә габагҹадан һазырлашмаға неҹә тәшвиг едә биләрик?

⁴ Әҝәр кимсә пис охујурса, ону тәшвиг ет ки, өјрәнмәјә габагҹадан һазырлашсын. Ҹәнуби Африкадакы бәзи тәблиғчиләр мараглананлара мәсләһәт билирләр ки, охумағы баҹаран аилә үзвләриндән вә ја достларындан көмәк истәсинләр. Бөјүк Британијада бир тәблиғчи өјрәтдији инсанлары дәрсә һазырлашмаға руһландырмаг үчүн өјрәнмә заманы бир неҹә абзаслары арашдырмаг үчүн өз китабыны өјрәнәнә верир вә беләҹә онлар ҝөрүрләр ки, һазырлашыб алтындан хәтт чәкәндә ҹаваблары тапмаг даһа асан олур. Һиндистанда бир гардаш өјрәнәнләри ҝәлән һәфтә арашдырылаҹаг дәрсин шәкилләринә бахмаға вә габагҹадан онларын үзәриндә дүшүнмәјә тәшвиг едир.

5. Өјрәнмә кечирән заман неҹә сәбирли ола биләрик?

⁵ Сәбирли ол. Истифадә етдијин нәшрдән асылы олмајараг, диггәтини әсас фикирләрә ҹәмлә вә өјрәнәнә бунлары јахшы баша дүшмәјә көмәк ет. Тәзә-тәзә мүзакирәни 10—15 дәгигәдән артыг кечирмә. Ону чохлу мәлуматла јүкләмә, бир нечә абзас кифајәтдир. О, һеҹалаја-һеҹалаја охујурса, сәбир ет. Ола билсин, о, Јеһова илә мүнасибәтләрини мөһкәмләндирдикҹә, охума габилијјәтини јахшылашдыраҹаг. Бунун үчүн ону елә бәри башдан јығынҹаг ҝөрүшләринә дәвәт ет.

6. Охуја билмәјәнләрә охумағы неҹә өјрәдә биләрик?

⁶ Мүгәддәс Китаб өјрәнән адам охумағы өјрәнәрсә, руһани ҹәһәтдән даһа тез аддым ата биләр (Мәз. 1:1—3). Бәзиләри мараглананлара көмәк етмәк үчүн дәрсин сонунда бир нечә дәгигә әрзиндә онлара охумағы өјрәдирләр. Әҝәр өјрәнән руһдан дүшәрсә, онун бу ҝүнә кими наил олдугларыны вурғуламагла өзүнә әминлијини артыра биләрсән. Ону һәм Јеһованын онун бүтүн ҹәһдләрини хејир-дуаландырдығына әмин ет, һәм дә көмәк үчүн дуа етмәјә тәшвиг ет (Сүл. мәс. 16:3; 1 Јәһ. 5:14, 15). Бөјүк Британијада јашајан бәзи тәблиғчиләр өјрәтдикләри инсанлары гаршыларына әлифбаны өјрәнмәк, ҝәтирилән ајәләри тапыб охумаг, һәмчинин садә дилдә јазылмыш нәшрләримизи охумаг кими һәм әлчатан, һәм дә инкишаф етдирән мәгсәдләр гојмаға тәшвиг едирләр. Инсанлара охумағы өјрәтмәк, адәтән, онлара садәҹә олараг буну неҹә етмәји өјрәтмәји јох, онларда буну етмәјә истәк јаратмағы да өзүнә дахил едир.

7. Нә үчүн охумаға чәтинлик чәкән инсанлара һәгигәти өјрәтмәкдән бојун гачырмамалыјыг?

⁷ Јеһова инсанын савадына јох, үрәјинә бахыр (Әјј. 34:19; 1 Салн. 28:9). Буна ҝөрә дә охумаға чәтинлик чәкән инсанлара һәгигәти өјрәтмәкдән бојун гачырма. Онларла өјрәнмә башламаг үчүн ҝөзәл вәсаитләримиз вар. Вахт кечдикҹә «Мүгәддәс Китаб өјрәдир» китабына кечә вә она Мүгәддәс Јазыларла бағлы даһа чох билик верә биләрсән.