Хидмәти ҝөрүшә неҹә һазырлашмалы?
1. Хидмәти ҝөрүшүн мәгсәди нәдән ибарәтдир вә бу ҝөрүшдән даһа чох фајда әлдә етмәк үчүн биз нә едә биләрик?
1 Хидмәти ҝөрүш бизи сәмәрәли хидмәт етмәјә һазырламаг үчүн нәзәрдә тутулуб. Бурада әсас диггәт Падшаһлыг һагда хош хәбәрин тәблиғинә, шаҝирдләр һазырламаға вә Аллаһын һөкмүнүн јахынлашмагда олан иҹрасынын бәјан едилмәсинә јөнәлдилир (Мат. 28:20; Марк 13:10; 2 Пет. 3:7). Бу ваҹиб ҝөрүшдән даһа чох фајда әлдә етмәк истәјириксә, јахшы һазырлашмалы вә орада иштирак етмәлијик.
2. Нитги динләмәјә неҹә һазырлаша биләрик?
2 Нитг. Нитгин әсасландығы мәнбә адәтән натиг үчүн нәзәрдә тутулан тәлиматда ҝөстәрилир. Сән тәјин олунмуш материалы, ҝәтирилән ајәләр дә дахил олмагла, нәзәрдән кечирә вә бу мәлуматы хидмәтдә неҹә истифадә едә биләҹәјин һагда дүшүнә биләрсән.
3. Суал-ҹаваб шәклиндә кечирилән мүзакирәјә һазырлашмаг үчүн нә едә биләрик?
3 Суал-ҹаваб шәклиндә мүзакирә. Ҝөрүшүн бу һиссәсинин кечирилмәси гыса ҝириш вә јекунла «Ҝөзәтчи Гүлләси»нин өјрәнилмәсинә чох бәнзәјир. Һәр абзасын әсас фикирләрини ишарәлә вә гыса, мәналы шәрһләр вермәјә һазырлыглы ол.
4. Динләјиҹиләрлә кечирилән мүзакирәјә неҹә һазырлаша биләрик?
4 Динләјиҹиләрлә мүзакирә. Бу һиссә нитг кими тәгдим олунур, анҹаг бурада натиг динләјиҹиләри иштирак етмәјә тәшвиг едир. Әҝәр әсас фикирләри ишарәләмисән вә ҝәтирилән ајәләри охумусанса, о заман суаллара шәрһ верә биләҹәксән. Бу һиссәни апаран гардаш әсас мәгамлары арашдыраркән динләјиҹиләри мүзакирәјә ҹәлб етмәк үчүн әлиндән ҝәләни едәҹәк.
5. Сәһнәҹикләрдән даһа чох фајдаланмаға бизә нә көмәк едәҹәк?
5 Сәһнәҹикләр. Бәзи һиссәләрә мәлуматы јерли әразијә неҹә тәтбиг етмәји ҝөстәрән практики сәһнәҹикләр дахилдир. Ағсаггалдан, тәҹрүбәли тәблиғчидән вә ја пионердән сәһнәҹикләрдә иштирак етмәк хаһиш олуна биләр. Бу һиссәјә һазырлашмаг өзүнә сәһнәҹији неҹә тәгдим етмәјин үзәриндә дүшүнмәји дә дахил едә биләр. Нүмунә үчүн олан тәгдимәни сәһнәләшдирәндә ону неҹә тәтбиг едә биләҹәјин вә мүхтәлиф вәзијјәтләрә неҹә ујғунлашдыра биләҹәјин һагда дүшүн. Сәһнәҹикдә истифадә олунаҹаг нәшрин вә ја журналын нүсхәсини өзүнлә ҝөтүрдүјүнә әмин ол. Аиләви өјрәнмә заманы тәгдимәләри мәшг етмәк бу саһәдә фајдалы ола биләр.
6. Хидмәти ҝөрүшә даһа һансы сәбәбләрә ҝөрә һазырлашмалыјыг?
6 Хидмәти ҝөрүшдә тәгдим олунан ҝөзәл тәлимә габагҹадан һазырлашанда орада иштирак етмәк бизә мәмнунлуг ҝәтирир. Белә етмәклә биз мүштәрәк иман васитәсилә даһа чох тәшвиг олунаҹағыг (Ром. 1:11, 12). Хидмәти ҝөрүшә һазырлашмаг үчүн вахт ајырарыгса, алдығымыз тапшырығы иҹра етмәкдә даһа јахшы тәҹһиз едиләҹәјик (2 Тим. 3:17).