Мәктәбдә шаһидлик етмәјә һазырсанмы?
1. Дәрсләр башлајанда мәктәблиләри һансы имкан ҝөзләјир?
1 Мәктәбли мәсиһчиләр, биринҹи синфә ҝедәҹәјиниздән, јахуд нөвбәти синфә кечәҹәјиниздән асылы олмајараг, сизи јени сынаглар вә чәтинликләр ҝөзләјир. Анҹаг бунунла јанашы, ‘һәгигәтә шәһадәт етмәк’ үчүн сизин гаршынызда јени имканлар ачылыр (Јәһ. 18:37). Шаһидлик етмәјә јахшы һазырлашмысынызмы?
2. Мәктәбдә шаһидлик етмәјә неҹә һазырлаша биләрсиниз?
2 Сиз Јеһовадан, валидејнләриниздән, садиг вә ағыллы гулдан һәјатын бүтүн саһәләриндә мүвәффәгијјәт газанмағыныза көмәк едәҹәк тәлим алмысыныз (Сүл. мәс. 1:8; 6:20; 23:23-25; Ефес. 6:1-4; 2 Тим. 3:16, 17). Һәм дә дәгиг билирсиниз ки, мәктәбдә сизи һансы сынаглар ҝөзләјир. Беләликлә, өзүнүзү шаһидлик етмәјә һазырлајын (Сүл. мәс. 22:3). Икиҹилдли «Ҝәнҹләрин суаллары» китабы (рус.), һабелә «Ојанын!» журналында (рус.) мүнтәзәм дәрҹ олунан мүвафиг мәгаләләр васитәсилә верилән тәлими вә Мүгәддәс Јазылара әсасланан мәсләһәтләри ҹидди нәзәрдән кечирин.
3. Шаһидлик етмәјә неҹә һазыр ола биләрсиниз?
3 Хидмәт үчүн надир әрази олан мәктәбдә мүхтәлиф үсулларла шаһидлик едә биләрсиниз. Башгалары сизин нүмунәви ҝејиминизи, хариҹи ҝөрүнүшүнүзү, давранышынызы, данышығынызы, синиф јолдашларыныза вә мүәллимләрә һөрмәтлә јанашдығынызы, һәтта јахшы охудуғунузу мүшаһидә едәндә вә һәјатда мөһкәм принсипләринизин олдуғуну баша дүшәндә соруша биләрләр: «Нә үчүн сән башгаларындан фәргләнирсән?» (Мал. 3:18; Јәһ. 15:19). Бу вахт шаһидлик етмәк вә етигадларынызы изаһ етмәк үчүн имкан јарана биләр (1 Тим. 2:9, 10). Ил боју сиз, еһтимал ки, вәтәнпәрвәрликлә бағлы олан тәдбирләр вә бајрамлар кими сынагларла үзләшәҹәксиниз. Бу тәдбирләрдә нә үчүн иштирак етмәдијинизи сорушанда садәҹә: «Мән Јеһованын Шаһидијәм; бу мәним динимә зиддир», — дејә ҹаваб верәҹәксиниз, јохса фүрсәтдән истифадә едиб мәһәббәтли Атамыз Јеһова һаггында шаһидлик едәҹәксиниз? Јеһованын өјрәтдији кими јахшы һазырлашсаныз, мүәллимләринизә, синиф јолдашларыныза вә башгаларына ҝөзәл шаһидлик вермәјә һазыр олаҹагсыныз (1 Пет. 3:15).
4. Мәктәб илинин мүвәффәгијјәтли олаҹағына нә үчүн әмин ола биләрсиниз?
4 Ола биләр, мәктәбә ҝетмәјә бир аз чәкинирсиниз, анҹаг билин ки, мәктәб илини уғурла битирмәјинизи истәјәнләр вә бу ишдә сизә көмәк едәнләр чохдур. Бундан әлавә, бу надир хидмәт саһәсиндә башгаларына шаһидлик едәҹәјинизә ҝөрә биз дә сизинлә бирликдә севинирик. Буна ҝөрә дә ҹәсарәтли олун вә мәктәбдә шаһидлик етмәјә һазырлашын!