Тәблиғ етмәјә чәкинмә
1. Нә заман вә нәјә ҝөрә ҹәсарәт лазымдыр?
1 Сәнә ҝүләҹәкләриндән горхдуғун үчүн мәктәбдә тәблиғ етмәјә чәкинирсәнми? Әлбәттә, данышмаг ҹәсарәт тәләб едир, хүсусилә дә инсан утанҹаг оланда. Ҹәсарәтли олмагда сәнә нә көмәк едә биләр?
2. Мәктәбдә шаһидлик верәркән нәјә ҝөрә мүдрик олмаг лазымдыр?
2 Мүдрик ол. Бахмајараг ки, мәктәб сәнин тәблиғ саһәндир, сәндән евдән-евә тәблиғдә олдуғу кими, гаршына чыхан һәр кәслә руһани мөвзуларда данышмағын ҝөзләнилмир. Нә вахт данышаҹағына гәрар верәркән мүдрик ол (Ваиз 3:1, 7). Синифдә мүәјјән мөвзу мүзакирә олунан вә ја ев тапшырығы заманы иманыны бөлүшмәк үчүн ҝөзәл имканын јарана биләр. Јахуд синиф јолдашларын бәзи мәрасимләрдә нәјә ҝөрә иштирак етмәдијини соруша биләрләр. Бәзи мәсиһчиләр дәрс илинин әввәлиндә мүәллимләринә Јеһованын Шаһиди олдугларыны дејир вә онлара етигадларыны изаһ едән әдәбијјат верирләр. Башгалары исә парталарынын үстүнә әдәбијјат гојурлар ки, синиф јолдашлары ҝөрүб суаллар версин.
3. Мәктәбдә шаһидлик вермәк үчүн неҹә һазырлашмаг олар?
3 Һазырлаш. Әҝәр габагҹадан һазырлашсан, өзүнә әминлијин артаҹаг (1 Пет. 3:15). Һансы суалларын јарана биләҹәјини мүәјјән етмәјә чалыш вә онлара неҹә ҹаваб верәҹәјинин үзәриндә дүшүн (Сүл. мәс. 15:28). Мүмкүндүрсә, Мүгәддәс Китабыны вә бир нечә нәшри, мәсәлән, «Мүлаһизә» (рус.) вә «Ҝәнҹләрин суаллары» (рус.) кими китаблары, еләҹә дә јарадылыш һагда әдәбијјаты мәктәбдә сахла ки, лазым оланда истифадә едә биләсән. Валидејнләриндән аиләви ибадәт заманы мүәјјән вәзијјәтләри сәһнәләшдирмәји хаһиш ет.
4. Нәјә ҝөрә мәктәбдә шаһидлик вермәјә давам етмәк лазымдыр?
4 Никбин ол. Дүшүнмә ки, сән һәгигәтдән данышанда синиф јолдашларын һәмишә сәнә ҝүләҹәкләр. Ола билсин, бәзиләри сәнин ҹәсарәтли олмағына һејран галаҹаг вә һәтта гулаг асмаг истәјәҹәкләр. Анҹаг һеч ким һај вермәјәндә руһдан дүшмә. Сәј ҝөстәрдијинә ҝөрә Јеһова мәмнун олаҹаг (Ибр. 13:15, 16). Јеһовадан хаһиш ет ки, ҹәсарәтлә даныша билмәк үчүн сәнә көмәк етсин (Һәв. иш. 4:29; 2 Тим. 1:7, 8). Кимсә сәнә гулаг асанда неҹә севинәҹәјини тәсәввүр ет. Һәмин адам нәтиҹәдә һәтта Јеһованын хидмәтчиси ола биләр!