Тәблиғ хидмәти үчүн ҝөрүшләр

1. Нәјә ҝөрә тәблиғ хидмәтиндә мүтәшәккил сурәтдә иштирак етмәк бизим үчүн бөјүк әһәмијјәт кәсб едир?

¹ Иса Мәсиһ Падшаһлығын тәблиғи ишинин мүтәшәккил сурәтдә вә баҹарыгла јеринә јетирилмәсинин гајғысына галмагда ҝөзәл нүмунә гојмушдур. Бу ҝүн дә Падшаһлығын үмумдүнја тәблиғи ишинин иҹра едилмәсинә ҝөрә мәсулијјәт дашыјанлар бу ишин ејни ҹүр иҹра едилмәсини чох арзулајырлар. Буна ҝөрә дә бүтүн дүнјада олан јығынҹагларда Падшаһлығын тәблиғчиләринин груп шәклиндә тәблиғдә иштирак етмәләриндән өтрү тәблиғ хидмәти үчүн ҝөрүшләр тәшкил едилир (Мат. 24:45-47; 25:21; Лука 10:1-7).

2. Тәблиғ хидмәти үчүн ҝөрушләр неҹә кечирилир?

² Ҝөзәл тәдбир. Тәблиғ үчүн ҝөрүшләр тәблиғә ҝетмәјә һазырлашанлара тәлим вә ҝөстәришләр вермәк, һәмчинин онлары руһландырмаг үчүн нәзәрдә тутулуб. Ҝүндәлик ајә бирбаша олараг тәблиғә аид олдугда гысаҹа мүзакирә едилә биләр. Һәрдән ҝөрүшдә иштирак едәнләри һәмин ҝүн хидмәтә һазырламаг үчүн «Бизим Падшаһлыг Хидмәтимиз»дән, «Мүлаһизә», јахуд, ола билсин, «Хидмәт Мәктәби» китабындан (рус.) мүәјјән фикирләри мүзакирә етмәк олар. Пајлајаҹағымыз әдәбијјат үчүн олан тәгдимәни гысаҹа сәһнәләшдирмәк дә олар. Ҝөрүшү дуа илә јекунлашдырмаздан әввәл һәр кәс киминлә хидмәтә ҝедәҹәјини вә хидмәт едәҹәји саһәнин јерини билмәлидир. 15-дәгигәдән чох чәкмәјән бу ҝөрүшдән дәрһал сонра һәр кәс хидмәтә јолланмалыдыр.

3. Тәблиғ ҝөрүшләринин тәшкил едилмәси үчүн ким мәсулијјәт дашыјыр?

³ Неҹә тәшкил олунур? Тәблиғ хидмәти үчүн ҝөрүшләрин тәшкил олунмасы хидмәти нәзарәтчинин мәсулијјәтидир. Груп нәзарәтчиләринин вә ја онларын көмәкчиләринин үзәринә һәфтәсонлары өз групуну хидмәтә апармаг мәсулијјәти дүшүр. Ола билсин, бәзи нәзарәтчиләр вә ја хидмәти көмәкчиләр тәблиғ групуну һәфтәарасы хидмәтә апара биләрләр. Груп нәзарәтчиләри груплары һәфтәсонлары евдән-евә тәблиғ етсинләр дејә, кифајәт гәдәр саһәнин олмасы үчүн хидмәти нәзарәтчиләрлә сых әмәкдашлыг едирләр. Груп нәзарәтчиләри һәфтәсонлары тәблиғ ҝөрүшләринин тәшкил олунмасы үчүн, хидмәти нәзарәтчиләр исә һәфтәарасы тәблиғ групларыны тәблиғә апара биләҹәк гардашлар тәјин едилмәси үчүн мәсулијјәт дашыјырлар.

4-6. а) Тәблиғ үчүн ҝөрүшләр јығынҹағын саһәси илә бағлы һансы мәгсәдә хидмәт етмәлидирләр? б) Тәблиғ ҝөрүшләринин кечирилмәси илә бағлы суаллара ҹаваб тапмаг үчүн нәләри нәзәрә алмаг олар?

⁴ Бу ҝөрүшләр һарада вә нә вахт кечирилмәлидир? Бүтүн јығынҹағын бу ҝөрүш үчүн бир јерә јығылмағынданса, бу ҝөрүшләрин мүнасиб јерләрдә кечирилмәси тәшкил едилмәлидир. Јығынҹағын саһәсинин әсаслы сурәтдә ишләнилмәси мәгсәдилә, адәтән бу ҝөрүшләр онун әразисинин мүхтәлиф јерләриндә олан евләрдә кечирилир. Бунун үчүн Падшаһлыг Залындан да истифадә етмәк олар. Бир чох јығынҹаглар базар ҝүнү ачыг мәрузә вә «Ҝөзәтчи Гүлләси»нин өјрәнилмәсиндән тез сонра Падшаһлыг Залында тәблиғ хидмәти үчүн ҝөрүш кечирирләр. Сәј ҝөстәрмәк лазымдыр ки, тәблиғчиләрин ишләјәҹәји саһә чох узагда олмасын. Буна ҝөрә дә саһәләрин јахшы вә там ишләнилмәси үчүн ҝөрүшләрин јеринин мүнасиб олдуғуну вахташыры јохламаг олар.

⁵ Бу ҝөрүшләрин нә заман вә һәфтә әрзиндә нечә дәфә кечирилмәли олдуғу әразидән асылы олараг мүәјјәнләшдирилмәлидир. Тәблиғ хидмәти үчүн ҝөрүшләрин һарада вә нә вахт кечирилмәсинин мүнасиб олдуғуну мүәјјәнләшдирмәјә нөвбәти суаллар көмәк едә биләр.

⁶ Диггәти даһа чох һансы саһәјә јөнәлтмәк лазымдыр? Евдән-евә тәблиғ етмәк үчүн ән мүнасиб вахт һансыдыр? Ахшамлар евдән-евә тәблиғ етмәк вә ја тәкрар башчәкмә етмәк мүнасибдирми? Тәблиғ хидмәти илә бағлы бүтүн тәдбирләр һаггында мәлуматлар јығынҹағын еланлар лөвһәсинә вурулмалыдыр. Һәр бир тәблиғчинин арзусудур ки, Павел кими: ‘Артыг фәалијјәт саһәм јохдур’ дејә билмәк үчүн өз саһәсини әсаслы сурәтдә ишләсин (Ром. 15:23).

7. Групу тәблиғә апармалы олан гардашын үзәринә һансы мәсулијјәт дүшүр?

⁷ Тәблиғ үчүн ҝөрүшләр неҹә кечирилмәлидир? Ҝөрүшү кечирмәк үчүн тәјин олунан гардаш ҝөрүшә јахшы һазырлашмагла бу тәдбирә дәрин һөрмәтлә јанашдығыны ҝөстәрир. Ҝөрүшләр вахтында башламалы,10-15 дәгигә әрзиндә, гыса вә мәзмунлу кечмәлидир. Ҝөрүшү апаран гардаш ҝөрүш башламаздан әввәл билмәлидир ки, груп һансы саһәдә ишләјәҹәк. Тәблиғ үчүн ҝөрүш битәндән сонра ҝеҹикәнләри ҝөзләмәјә еһтијаҹ олмаса да, онлара групун һарада хидмәт едәҹәјини билдирмәк јахшы оларды. Ҝөрүш гуртарандан дәрһал сонра һәр кәс тәјин олунмуш әразијә јолланмалыдыр. Јахшы тәшкил олунмуш вә фајдалы кечән тәблиғ үчүн ҝөрүш, шүбһәсиз ки, иштирак едәнләрин һәр биринә һәмин ҝүн хидмәти иҹра етмәк үчүн лазым олан тәлиматы верәҹәк (Сүл. мәс. 11:14).

8. Тәблиғ үчүн ҝөрүшдә иштирак едәнләр рәһбәрлији үзәринә ҝөтүрән гардашла неҹә әмәкдашлыг едә биләрләр?

⁸ Тәблиғ хидмәти үчүн ҝөрүшдә иштирак етмәк. Әмәкдашлыг етмәк олдугҹа ваҹибдир (Ибр. 13:17). Тәблиғ групуну тәшкил едән хидмәтдә әмәкдаша еһтијаҹы олан һәр кәсә имкан дахилиндә көмәк едәҹәк. Тәҹрүбәли тәблиғчиләрин јениләрә вә тәҹрүбәси аз оланлара көмәк етмәк үчүн ҝөрүшдә иштирак етмәси јахшы оларды. Тәјин олундуглары мүхтәлиф тәблиғчиләрлә әмәкдашлыг етмәјә һәвәслә разылашанлар чохлу јахшы нәтиҹәләр әлдә едә биләрләр (Сүл. мәс. 27:17; Ром. 15:1, 2). Һәр кәс ҝөрүшә вахтында ҝәлмәк үчүн сәј ҝөстәрмәлидир. Бу теократик тәдбирә һөрмәтимиз вә һәмиманлыларымыза гаршы диггәтли олмағымыз бу мәсәләдә лазыми дәјишикликләри етмәјә бизи тәшвиг едәҹәк (2 Кор. 6:3, 4; Филип. 2:4).

9. Пионерләр һансы тәгдирәлајиг үсулла бу тәдбири дәстәкләјә биләрләр?

⁹ Пионерин көмәји. Пионерин тәблиғ үчүн ҝөрүшләри дәстәкләмәси һамы үчүн дәјәрли вә руһландырыҹыдыр. Дүздүр, пионерләрин чохлу мәсулијјәтләри вар. Мүгәддәс Китаб өјрәнмәси кечирмәкдән вә тәкрар башчәкмәләр етмәкдән әлавә, онлар аиләнин гајғысына галмалы вә дүнјәви ишдә ишләмәли олурлар. Буна ҝөрә дә пионердән, хүсусән дә, әҝәр һәр ҝүн кечирилирсә, тәблиғ үчүн ҝөрүшләрин һамысында иштирак етмәк тәләб олунмур. Анҹаг пионер, јәгин ки, һәр һәфтә һеч олмаса тәблиғ үчүн ҝөрүшләрин бир нечәсиндә иштирак едә биләр. Јығынҹағын үзвләри тәблиғ үчүн ҝөрүшләрдә мүәјјән дәрәҹәдә тәлим алырлар, пионерләрин Мүгәддәс Китаб һагда билијинин вә хидмәтдәки тәҹрүбәсинин исә башга тәблиғчиләрә чох бөјүк көмәји дәјир. Тәблиғдә мүнтәзәм иштирак етмәләри сајәсиндә онлар тәҹрүбә газанмышлар. Әлдә едилән тәҹрүбәни һамы илә бөлүшмәк олар. Пионерләрин тәблиғ үчүн ҝөрүшдә вә хидмәтдә сәјлә иштирак етмәси онлары нүмунәви тәблиғчи едир. Онларын тәблиғ үчүн ҝөрүшләрдә иштирак етмәси, һәмчинин олдугҹа гијмәтләндирилир.

10. Нә үчүн јахшы оларды ки, Падшаһлығын бүтүн тәблиғчиләри бу тәдбири вар ҝүҹләри илә дәстәкләсинләр?

¹⁰ Исанын вә шаҝирдләринин дөврүндә олдуғу кими, бизим дөврдә дә Падшаһлыг хәбәри, әсас етибарилә, евдән-евә тәблиғ етмәклә бәјан едилир. Тәблиғ үчүн ҝөрүшләрин дә мәгсәди бизим гаршылыглы руһланмағымыз вә бу ишдә сәмәрәли иштирак етмәјимиздир. Хош хәбәрин бүтүн тәблиғчиләри бу ҹүр теократик тәдбирләри әлләриндән ҝәлдији гәдәр дәстәкләмәлидирләр (Һәв. иш. 5:42; 20:20). Ҝәлин һамымыз бунун үчүн вар ҝүҹүмүзлә сәј ҝөстәрәк. Әмин ола биләрик ки, белә етмәклә Јеһованын бол-бол хејир-дуасыны алаҹаг вә Аллаһын Падшаһлығы һаггында хош хәбәри тәблиғ етмәклә Рәһбәримиз Иса Мәсиһин үрәјини севиндирәҹәјик (Мат. 25:34-40; 28:19, 20).