Суаллар гутусу

◼ Тәблиғ етмәји дајандырмаг тәләб олунурса, о заман нә етмәлијик?

Бәзи һалларда полисләр мүхтәлиф хидмәт нөвүндә иштирак едән тәблиғчиләрә јахынлашыб гануну поздугларыны билдирмиш вә онлардан тәблиғи дајандырмағы тәләб етмишләр. Белә олдугда, дәрһал вә нәзакәтлә һәмин әразини тәрк етмәк лазымдыр (Мат. 5:41; Филип. 4:5). Һүгугларымыз һаггында мүбаһисә етмәјә башлајараг мәсәләни өз билдијиниз кими һәлл етмәјә чалышмајын. Әҝәр мүмкүндүрсә, нәзакәтлә полисин кимлијини вә һансы шөбәдән олдуғуну өјрәнин. Сонра дәрһал ағсаггаллара бу һагда хәбәр верин. Онлар баш верәнләр һагда филиала мәлумат верәҹәкләр. Буна бәнзәр тәрздә, бинанын нәзарәтчиси вә ја башга нүмајәндәси сиздән бинаны вә ја комплекси тәрк етмәјинизи хаһиш едирсә, дәрһал табе олмаг вә бу һагда ағсаггаллара хәбәр вермәк лазымдыр. Сәлаһијјәтли шәхсләрлә мүнасибәтдә мүлајим вә тәвазөкар олмаг лазымсыз проблемләрин гаршысынын алынмасында бөјүк рол ојнаја биләр (Сүл. мәс. 15:1; Ром. 12:18).