Хидмәтдә пүхтәләшәк. Башга дилдә данышан адама шаһидлик етмәклә

Нә үчүн ваҹибдир? Јеһова Аллаһ истәјир ки, һәр халгдан олан инсанлар һәгигәти билсинләр (Һәв. 10:34, 35). Буна ҝөрә дә Иса Мәсиһ мүждәнин «бүтүн јер үзүндә» вә «халгларын һамысына» тәблиғ едиләҹәјини билдирмишди (Мәт. 24:14). Зәкәријјә пејғәмбәр демишди ки, «бүтүн халглардан олан, мүхтәлиф дилләрдә данышан» инсанлар бу хәбәрә һај верәҹәк (Зәк. 8:23). Һәвари Јәһја вәһјдә ҝөрмүшдү ки, бөјүк мүсибәтдән «һәр халга, һәр тајфаја, һәр үммәтә вә һәр дилә мәнсуб» адамлар сағ чыхаҹаг (Вәһј 7:9, 13, 14). Бүтүн бунлары нәзәрә алараг, биз өз әразимиздә башга дилдә данышан адамла растлашанда она шаһидлик етмәлијик.