Әҝәр кимсә дејирсә...

«Мән Мүгәддәс Китаба инанмырам»

Белә демәк олар: «Анҹаг сиз Аллаһа инанырсыныз, елә дејилми? ... Билмәк олар, Мүгәддәс Китабда нә илә разылаша билмирсиниз?»

Јахуд белә демәк олар: «Сиз Мүгәддәс Китаба һәмишә инанмамысыныз? ... Мән буну башгаларындан да ешитмишәм, һалбуки онлар өзләри Мүгәддәс Китабы охујуб арашдырмајыблар. Анҹаг Мүгәддәс Китабда ајдын шәкилдә дејилир ки, о, Аллаһын Кәламыдыр вә әҝәр биз орада јазыланлара иман етсәк вә онлара ујғун јашасаг, Аллаһ бизә әбәди һәјат бәхш едәҹәк. Јәгин разылашаҹагсыныз ки, ән азы бу сәбәбләрә ҝөрә ону арашдырмаға вә орада јазыланларын һәгигәт олуб-олмадығыны јохламаға дәјәр». (Мәсәлән, «Мүлаһизә» китабынын 54—58-ҹи сәһифәләриндәки материалдан истифадә етмәк олар, рус.)

«Мүгәддәс Китабда зиддијјәтләр вар»

Белә демәк олар: «Мән буну башгаларындан да ешитмишәм, амма онлар конкрет олараг һеч нә ҝөстәрә билмирләр. Мән өзүм Мүгәддәс Китабы охујурам вә орада һеч бир зиддијјәтә раст ҝәлмәмишәм. Сиз һансыса нүмунә чәкә биләрсиниз?» Сонра әлавә етмәк олар: «Баша дүшдүјүм гәдәр, чохлары Мүгәддәс Китабы охујаркән јаранан суалларына һеч вахт ҹаваб тапмамышлар. Мәсәлән, Адәмин оғлу Габил арвады һарадан алмышды?» (Мәсәлән, «Мүлаһизә» китабынын 302, 303-ҹү сәһифәләриндәки материалдан истифадә етмәк олар, рус.)