Әҝәр кимсә дејәрсә...

«Мүгәддәс Китаб гәрбин [вә ја христианларын] китабыдыр»

Белә ҹаваб вермәк олар: «Дүздүр, Мүгәддәс Китаб даһа чох Гәрбдә чап олунмушдур. Анҹаг Мүгәддәс Китабда дејилмир ки, бир халг диҝәриндән јахшыдыр». Сонра әлавә етмәк олар: 1) «Мүгәддәс Китаб бизә Јарадан тәрәфдән верилиб, О исә ајры-сечкилик етмәјән Аллаһдыр» (Һәв. иш. 10:34, 35). 2) «Аллаһын Кәламында дејилир ки, бүтүн милләтләрдән олан инсанларын Аллаһын Падшаһлығынын рәһбәрлији алтында јер үзүндә әбәди јашамаг имканы вар (Вәһј 7:9, 10, 17)».

Јахуд белә демәк олар: «Бу, белә дејил! Мүгәддәс Китаб Јахын Шәргдә јашајан инсанлар тәрәфиндән гәләмә алыныб. Јараданын Өзү онлары мүгәддәс руһла илһамландырмыш вә Мүгәддәс Китабын 66 китабыны јазмағы тапшырмышдыр. Анҹаг орада јазылан хәбәр бүтүн инсанлара үнванланыб». Сонра әлавә етмәк олар: 1) «Ҝөрүн, Иса нә демишдир... (Јәһ. 3:16). “Һамысы” дедикдә бүтүн милләтләрдән вә халглардан олан инсанлар нәзәрдә тутулур. Бундан әлавә, ҝөјә галхмаздан өнҹә, Иса өз шаҝирдләринә демишди... (Мат. 28:19)». 2) «Мараглыдыр ки, Һәвариләрин ишләри 13:1 ајәсиндә “гара” мәнасыны дашыјан Ниҝер адлы бир нәфәрдән данышылыр. О, Антакја (Сурија) шәһәринин јығынҹағында пејғәмбәр вә мүәллим олмушдур».