Гој Аллаһын ады мүгәддәс тутулсун
1. 2012-ҹи илин рајон конгресинин мөвзусу нә олаҹаг вә нәјә әсасланаҹаг?
1 Каинатын Һөкмдары Јеһова Аллаһын адыны дашымаг неҹә дә бөјүк шәрәфдир! Бу ады дашымаг шәрәфинә бизи Аллаһын Өзү лајиг ҝөрүб вә 1931-ҹи илдән етибарән гәбул етдијимиз Јеһованын Шаһидләри ады бизи башгаларындан фәргләндирир (Јешаја 43:10). Аллаһын јеҝанә Оғлу Иса Мәсиһ нүмунәви дуасына Аллаһын ады илә башламагла она бөјүк һөрмәт етдијини ҝөстәрмишди (Матта 6:9). 2012–ҹи хидмәт илиндә кечириләҹәк «Гој Аллаһын ады мүгәддәс тутулсун» адлы рајон конгреси Исанын сөзләринә әсасланыр.
2. Конгресдә һансы мөвзулары ешидәҹәјик?
2 Динләјәҹәјимиз мөвзулар. Шәнбә ҝүнү «Таммүддәтли хидмәтчи кими Аллаһын адыны бәјан ет» адлы мәрузәдә нәјә ҝөрә таммүддәтли хидмәтин ән ҝөзәл һәјат јолу олдуғу мүзакирә олунаҹаг. Биз һәмчинин «Јеһованын адыны рүсвај етмә» адлы мәрузәләр силсиләсини динләјәҹәјик. Бу силсиләдә сәсләнәҹәк мәрузәләр бизим үчүн тәлә ола биләҹәк дөрд шејдән гачынмаға көмәк едәҹәк. Инсанлар аз мараг ҝөстәрәндә хидмәтдә сәјимизи горумагда бизә нә көмәк едә биләр? Неҹә едә биләрик ки, хидмәтимиз даһа сәмәрәли вә еффектив олсун? Бу суаллара «Нәјә ҝөрә Аллаһын ады мүгәддәс тутулмалыдыр?» адлы мәрузәдә ҹаваб вериләҹәк. Шәнбә ҝүнү дөрдһиссәли мәрузәләр силсиләсиндән Аллаһын адыны дүшүнҹәләримизлә, данышығымызла, гәрарларымызла вә һәрәкәтләримизлә неҹә мүгәддәс тута биләҹәјимиз һагда өјрәнәҹәјик. Јени ҝәләнләр «Јеһова Өзүнүн бөјүк адыны Һар-Маҝедонда тәгдис едәҹәк» адлы ачыг мәрузәдән хүсусилә бәһрәләнәҹәкләр.
3. Биз һансы шәрәфә лајиг ҝөрүлмүшүк вә бу програм бизә неҹә көмәк едәҹәк?
3 Чох тезликлә Јеһова Өз адыны тәгдис етмәк үчүн һәрәкәтә кечәҹәк (Језекел 36:23). О вахтаҹан биз Јеһованын мүгәддәс ады илә бағлы олан бүтүн тәдбирләри дәстәкләмәлијик, чүнки Аллаһ Өзү бизи белә бир шәрәфә лајиг ҝөрүб. Әминик ки, бу рајон конгреси һәр биримизә Аллаһын адыны дашымаг кими ҹидди мәсулијјәтин өһдәсиндән ҝәлмәјә көмәк едәҹәк.