Тәблиғчиләр үчүн көмәк
1. 1938-ҹи илдә һансы јенилик едилди вә һансы мәгсәдлә?
1 1938-ҹи илдә Јеһованын тәшкилатында бир јенилик олду. Јығынҹаглар һал-һазырда рајон конгресләри адланан зонал конгресләрә дәвәт олунмаға башладылар. Һансы мәгсәдлә? «Информатор» бүллетенинин (инди «Бизим Падшаһлыг Хидмәтимиз») 1939-ҹу ил јанвар сајында дејилирди: «Бу конгресләр Јеһованын Теократик Тәшкилатынын Падшаһлыг ишинә рәһбәрлик етмәк үсулларындан биридир. Бурада тәгдим олунан тәлим һәр бир кәсин бу иши лазыми гајдада јеринә јетирә билмәси үчүн ваҹибдир». 1938-ҹи илдә Падшаһлығын тәблиғчиләринин ҹәми 58 000, 2009-ҹу илдә исә 7 000 000-дан чох олдуғуну нәзәрә алсаг, ајдын олур ки, рајон конгресләри өз мәгсәдинә — тәблиғчиләрә һәвалә олунмуш иши јеринә јетирмәјә көмәк етмәк мәгсәдинә наил олуб!
2. Јени хидмәт илиндә рајон конгресиндә һансы мөвзулар олаҹаг?
2 Ҝәлән илки конгресин мөвзусу. Биз сентјабр ајындан башланаҹаг конгресин програмыны вә руһланаҹағымыз аны бөјүк сәбирсизликлә ҝөзләјирик. Конгресин мөвзусу «Сиз дүнјаја мәхсус дејилсиниз» адланыр вә Јәһја 15:19 ајәсинә әсасланыр. Програма мәсиһчиләрә фајда ҝәтирәҹәк һансы мәрузәләр дахилдир? Шәнбә ҝүнү «Таммүддәтли хидмәт бизи неҹә горујур?» адлы мәрузәни ешидәҹәјик. Һәмчинин биз «Өзүнүзү...» «Вәһши һејвандан горујун», «Бөјүк фаһишәдән горујун», «Таҹирләрдән горујун» адлы мәрузәләр силсиләсиндән фајдаланаҹағыг. Базар ҝүнү биз «Дүнјаны јох, Јеһованы сев» адлы мәрузәләр силсиләсини динләјәҹәјик. Һәмчинин програма «“Гәриб вә мүвәггәти сакин” олун», «Ҹәсарәтли ол! Сән дүнјаја галиб ҝәлә биләрсән» адлы мәрузәләр дә дахилдир.
3. Рајон конгресиндә иштирак етмәклә һансы фајданы әлдә едә биләрик?
3 Хидмәтдә зәифләјән бир баҹы өтән илин рајон конгресиндә олдугдан сонра јазыр ки, програм ону вәзијјәтини јенидән нәзәрдән кечирмәјә тәшвиг етди вә о, «хидмәтә ҝетмәјә вә бәһанәләрә сон гојмаға» гәти гәрар верди. Шүбһәсиз, ҝәлән илин рајон конгресинин програмы һамымыза дүнјаны јох, Јеһованы севмәјә көмәк едәҹәк (1 Јәһ. 2:15—17). Ҝәлин мәсиһчиләр үчүн мәһәббәтлә һазырланан бу тәдбирдән фајда әлдә етмәк үчүн орада иштирак едәк вә конгресә диггәтлә гулаг асаг!