Јеһова бизә тәлим верир
1. Јеһова тәјинат верәркән хидмәтчиләрини нәјә әмин едир?
1 Јеһова инсанлара тәјинат вермәклә јанашы, ону јеринә јетирмәк үчүн лазыми көмәји дә тәгдим едир. Мәсәлән, Јеһова Нуһа ҝәми тикмәји — һеч вахт ҝөрмәдији бир иши тапшыранда һәмин иши неҹә етмәли олдуғуну да демишди (Јар. 6:14—16). Јеһова һәлим чобан олан Мусаја Исраил ағсаггалларынын вә фиронун јанына ҝетмәји бујуранда ону әмин едәрәк демишди: «Мән ағзынла данышаҹағам вә дејәҹәјин сөзү сәнә өјрәдәҹәјәм» (Чых. 4:12). Бизә һәвалә олунан хош хәбәри тәблиғ етмәк ишинә ҝәлдикдә Јеһова бизә дә рәһбәрлик верир. О, бизи Теократик Хидмәт Мәктәби вә Хидмәти ҝөрүш васитәсилә өјрәдир. Биз бунлардан неҹә фајдалана биләрик?
2. Теократик Хидмәт Мәктәбиндән неҹә фајдалана биләрик?
2 Теократик Хидмәт Мәктәби. Һәр јығынҹагдан габаг програмда ҝәтирилән материалы оху вә арашдыр. Сонра мәктәбдә шаҝирдләрин һәмин мәлуматы өз нитгләриндә неҹә истифадә етдикләринә диггәт јетир вә өјрәтмә габилијјәтини пүхтәләшдир (Сүл. мәс. 27:17). «Хидмәт Мәктәби» китабыны јығынҹаг ҝөрүшләринә ҝәтир вә ондан истифадә ет. Мәктәбин нәзарәтчиси һәр шаҝирдин чыхышындан сонра китаба истинад едәрәк мәсләһәт верәндә тәтбиг етмәк истәдијин әсас фикирләрин алтындан хәтт чәк вә кәнарларында гејдләр апар. Анҹаг мәктәбдән там фајда әлдә етмәјин ән јахшы үсулу иштирак етмәкдир. Бәс сән мәктәбә јазылмысанмы? Мәктәбдә тапшырыг аланда она јахшы-јахшы һазырлаш вә верилән мәсләһәтләри тәтбиг ет. Өјрәндикләрини хидмәтдә истифадә ет.
3. Хидмәти ҝөрүшдән неҹә фајда әлдә едә биләрик?
3 Хидмәти ҝөрүш. Програм үзрә верилмиш материалы габагҹадан охусаг вә шәрһләр һазырласаг, јығынҹагда верилән мәсләһәтләр даһа јахшы јадымызда галаҹаг. Әҝәр шәрһләримиз гыса олса, чохларынын иштирак етмәк имканы олаҹаг. Сәһнәҹикләрә диггәтлә тамаша ет вә хидмәтини даһа сәмәрәли едәҹәк тәклифләри тәтбиг ет. «Бизим Падшаһлыг Хидмәтимиз» вәрәгәсиндәки хидмәт үчүн фајдалы олан мәгаләләри сахла ки, лазым оланда истифадә едәсән.
4. Нәјә ҝөрә теократик тәлимдән сәмәрәли истифадә етмәлијик?
4 Нуһа вә Мусаја алдыглары тапшырығы јеринә јетирмәк чәтин олдуғу кими, бу ҝүн бизә дә хош хәбәри бүтүн дүнјада тәблиғ етмәк бир о гәдәр дә асан дејил (Мат. 24:14). Әҝәр Даһи Нәсиһәтчимиз Јеһоваја ҝүвәнсәк вә Онун тәгдим етдији тәлимә әсасән даврансаг, бу ишдә уғур газана биләрик (Јешаја 30:20).