Инсанлара мүлаһизә јүрүтмәјә көмәк ет
1. Хидмәтдә һансы үсул даһа еффектлидир?
1 Хидмәтдә һансы үсул даһа еффектлидир: гәти шәкилдә данышмаг, јохса инсанла мүлаһизә јүрүдәрәк дүзҝүн нәтиҹәјә ҝәлмәсинә көмәк етмәк? Һәвари Павел Салоники шәһәриндән олан јәһудиләрлә сөһбәт едәркән икинҹи үсулдан истифадә етмишди, нәтиҹәдә дә онлардан бәзиләри имана ҝәлмишди (Һәв. иш. 17:2—4). Мүлаһизә јүрүтмәјә нә дахилдир?
2. Һәвари Павелин хош хәбәри тәблиғ етмәк үсулуну неҹә тәглид едә биләрик?
2 Инсанын һиссләрини вә мәдәнијјәтини нәзәрә ал. Әҝәр әразимиздәки инсанлара мүлаһизә јүрүтмәјә көмәк етмәк истәјириксә, онларын һиссләрини нәзәрә алмаг лазымдыр. Павел Аеропагда мәсиһчи олмајан јунанларла билдикләри вә гәбул етдикләри шејләр әсасында мүлаһизә јүрүтмәјә башлады (Һәв. иш. 17:22—31). Буна ҝөрә дә, тәгдимә һазырлајаркән әразиниздә олан инсанларын инандыглары шејләри вә ҝениш јајылмыш мәнфи фикирләри нәзәрә ал (1 Кор. 9:19—22). Әҝәр инсан нәјәсә етиразыны билдирирсә, ортаг мөвзу тапмаға вә сөһбәти онун әсасында гурмаға чалыш.
3. Суаллардан мәһарәтлә истифадә етмәк башгалары илә мүлаһизә јүрүтмәкдә бизә неҹә көмәк едә биләр?
3 Мәһарәтлә суаллар вер. Әҝәр јол ҝедән адамын һара ҝетмәк истәдијини билмириксә, она лазым олан јерә ҝедиб чыхмаға көмәк едә билмәрик. Ејнилә, тәблиғ етдијимиз адамын фикирләри илә таныш олмасаг, онун дүзҝүн гәнаәтә ҝәлмәсинә көмәк едә билмәрик. Иса ону динләјән инсанларла мүлаһизә јүрүтмәмишдән габаг, онларын фикирләрини билмәк үчүн суаллар верирди. Мәсәлән, бир нәфәр ондан: «Әбәди һәјаты алмаг үчүн нә етмәлијәм?» — дејә суал верәндә Иса ҹаваб вермәздән габаг онун фикрини сорушду (Лука 10:25—28). Башга бир вахт Петер верҝијығана сәһв ҹаваб верәндә Иса суаллардан мәһарәтлә истифадә едәрәк онун фикринә дүзәлиш етди (Мат. 17:24—26). Беләликлә, инсан суал верәндә вә ја сәһв фикир сөјләјәндә, биз суаллардан истифадә едәрәк һәмин мөвзу илә бағлы мүлаһизә јүрүдә биләрик.
4. Нәјә ҝөрә инсанлара мүлаһизә јүрүтмәјә көмәк етмәјә чалышмалыјыг?
4 Башгаларына мүлаһизә јүрүтмәјә көмәк етмәклә, биринҹи әсрдәки тәҹрүбәли мүждәчиләр кими, биз дә Бөјүк Мүәллим олан Иса Мәсиһи тәглид етмиш олуруг. Мүлаһизә јүрүдәркән биз инсана һөрмәт вә еһтирам ҝөстәририк (1 Пет. 3:15). Бунун сајәсиндә һәмин адам тәкрар башчәкмәјә разылыг верә биләр.