Хидмәтдә пүхтәләшәк. Сөһбәти кәсән етиразлара ҹаваб вермәклә

Нә үчүн ваҹибдир? Тәсәввүр ет: хәбәрин вар ки, тезликлә тәбии фәлакәт олаҹаг. Инсанлар тәһлүкәсиз јерә гачмасалар, өләҹәкләр. Гоншуну хәбәрдар етмәк үчүн гапысыны дөјүрсән, о исә вахты олмадығыны дејиб сөзүнү ағзында гојур. Әлбәттә ки, сән она көмәк етмәк ҹәһдиндән дәрһал ваз кечмәјәҹәксән. Бу ҝүн чохлары чатдырдығымыз хәбәрин һәјати ваҹиб олдуғуну анламајыб бизи башдан едирләр. Ола билсин, биз јанларына ҝедән вахт башлары гарышыг олур (Мат. 24:37—39). Вә ја, ола билсин, онлара бизим һагда јанлыш мәлуматлар верибләр (Мат. 11:18, 19). Онлара елә ҝәлә биләр ки, биз сөзү илә әмәлләри үст-үстә дүшмәјән диҝәр динләр кимијик (2 Пет. 2:1, 2). Әҝәр инсан илк дәфәдән мараг ҝөстәрмирсә, биз дәрһал тәслим олмамалыјыг.