Тохумун ҹүҹәрмәси үчүн суварылмасы ҝәрәкдир
1. Тохумун ҹүҹәриб бөјүмәси үчүн нә лазымдыр?
1 Сәпилән тохумун ҹүҹәрмәси үчүн ону сувармаг лазымдыр. Саһәмиздәки инсанларын үрәкләринә сәпдијимиз һәгигәт тохуму һаггында да ејни шеји демәк олар (1 Кор. 3:6). Әҝәр бу мәҹази тохумун көк атыб ҹүҹәрмәсини вә чичәкләнмәсини истәјириксә, тәкрар баш чәкмәли вә Аллаһын Кәламынын көмәјилә ону сувармалыјырыг.
2. Нөвбәти башчәкмәјә неҹә зәмин һазырлаја биләрик?
2 Ачыг суал сахла. Нәјә ҝөрә тәгдимә һазырлајаркән ҹавабыны нөвбәти башчәкмәдә верәҹәјин мараглы бир суал һазырламајасан? Илк сөһбәтин сонунда һәмин суалы вер вә тәкрар башчәкмә үчүн дәгиг вахт тәјин ет. Бир чохлары өјрәнмә үчүн нәзәрдә тутулан вәсаитдән бир мөвзу сечир вә Мүгәддәс Китаб өјрәнмәсинин неҹә кечирилдијини ҝөстәрирләр.
3. Марагланан барәдә һансы мәлуматы гејд едә биләрик?
3 Гејдләр апар. Илк башчәкмәдән дәрһал сонра гејдләр апар. Инсанын адыны вә үнваныны јаз. Јахшы оларды ки, сөһбәт етдијиниз ҝүнү вә вахты, нә һагда данышдығынызы вә һансы әдәбијјаты вердијини гејд едәсән. Әҝәр о, һансы динә мәсуб олдуғу, аиләли олуб-олмадығы, онун үчүн мараглы олан вә ја ону нараһат едән шејләр барәдә данышыбса, онлары да гејд ет. Бу мәлумат нөвбәти башчәкмәдә сәнә лазым ҝәләҹәк. Һәмчинин нә вахт ҝөрүшәҹәјинизи вә һансы суалы мүзакирә едәҹәјинизи дә јаз.
4. Инсанларда јаранан марағы инкишаф етдирмәк үчүн нәјә ҝөрә мәтанәтли олмаг лазымдыр?
4 Мәтанәтли ол. Шејтан инсанын үрәјинә әкилмиш тохуму апармаг нијјәтиндән әл чәкән дејил (Марк 4:14, 15). Буна ҝөрә дә, марагланан инсаны евдә тапмајанда руһдан дүшмә. Сән она мәктуб јаза, јахуд да гапынын арасына балаҹа бир кағыз јазыб гоја биләрсән. Бир дәфә пионер баҹы гапы ағзында бир гадынла өјрәнмә башламыш, анҹаг сонра ону евдә тапа билмәдијиндән мәктуб јазмаг гәрарына ҝәлмишди. Нәһајәт, баҹы ону евдә тапанда гадын она ҝөстәрилән гајғынын үрәјинә ҝүҹлү тәсир бағышладығыны билдирди. Һәгигәт тохумуну сувардыгҹа онун неҹә пөһрәләндијини, јетишиб «отузгат, алтмышгат вә јүзгат бәһрә» вердијини ҝөрмәк бизә севинҹ бәхш едир (Марк 4:20).