Суаллар гутусу

◼ Интернет вә почт васитәсилә ҝөндәрилән купонлары ким долдурмалыдыр?

Нәшрләримиздә тез-тез чап олунан купонлар әдәбијјат сифариш етмәк вә ја Јеһованын Шаһидләринин баш чәкмәсини хаһиш етмәк үчүндүр. Онлары долдуруб филиала ҝөндәрмәк лазымдыр. Бундан әлавә, www.wатҹһтоwер.орҝ веб-сајтымыздан истифадә едәрәк Мүгәддәс Китаб өјрәнмәси хаһиш етмәк олар. Дүздүр, бу, бир чохларынын һәгигәти өјрәнмәсинә көмәк едир. Анҹаг тәблиғчиләр гоһумларына вә ја башгаларына руһани көмәклик ҝөстәрилсин дејә онларын әвәзинә бу купонлары долдуранда мүәјјән проблемләр үзә чыхыр.

Бәзиләринә филиал тәрәфиндән сифариш етмәдикләри әдәбијјатлар ҝөндәриләндә онлар наразылыгларыны билдирирләр ки, тәшкилатымыз онларын адыны абунәчи сијаһысына дахил едиб вә әдәбијјат ҝөндәрмәклә онлары нараһат едир. Тәблиғчиләр өзү она баш чәкилмәсини хаһиш етмәјән адама баш чәкәндә исә бу, һәмин адамын гәзәбинә сәбәб олур вә баҹы-гардашлар пис вәзијјәтдә галырлар. Буна ҝөрә дә, веб-сајт вә почт васитәсилә ҝөндәрилән купонлары тәблиғчиләр јох, марагланан инсанларын өзләри долдурмалыдыр. Филиал купонун тәблиғчи тәрәфиндән ҝөндәрилдијини биләндә, адәтән, белә хаһишләрә ҹаваб вермир.

Бәс онда гоһумлара вә танышлара руһани көмәклији неҹә ҝөстәрмәк олар? Әҝәр онлара әдәбијјат ҝөндәрилмәсини истәјирсәнсә, бәлкә, буну өзүн едәсән? Әҝәр һәмин адамда мараг јаранарса вә Јеһованын Шаһидләринин она баш чәкмәсини истәјәрсә, амма сән јерли јығынҹағын ағсаггаллары илә неҹә әлагә сахлајаҹағыны билмирсәнсә, «Зәһмәт олмаса, бу адама баш чәк» (S-43) бланкыны долдур вә јығынҹағынын катибинә вер; о, бланкы нәзәрдән кечирдикдән сонра филиала ҝөндәрәҹәк. Анҹаг әҝәр марагланан адам һәбсдәдирсә, нарколожи-тибб мүәссисәсиндә вә ја хәстәханада мүалиҹә олунурса, онун әвәзинә филиала мүраҹиәт етмәк лазым дејил. Әксинә, ону тәшвиг ет ки, һәмин јерләрә баш чәкән гардашларла әлагә сахласын вә ја филиала шәхсән өзү мәктуб јазсын.