Ишҝүзар әразидә әминликлә шаһидлик ет
1. Ишҝүзар әразидә тәблиғ етмәјә горхуругса, нәјә ҝөрә руһдан дүшмәмәлијик?
1 Ишҝүзар әразидә тәблиғ етмәк фикри сәни горхудурму? Әҝәр беләдирсә, руһдан дүшмә. Павел нә гәдәр ҹәсарәтли вә үрәкли инсан олса да, тәблиғ етмәк үчүн онун да ҹәсарәтләндирилмәјә еһтијаҹы вар иди (1 Салон. 2:2). Нөвбәти абзасларда ишҝүзар әразидә тәблиғ етмәклә бағлы јаранан чәтинликләри вә онларын өһдәсиндән ҝәлмәк үчүн практики мәсләһәтләри мүзакирә едәҹәјик.
2. Ишчиләри ишләриндән јајындыраҹағымыза ҝөрә нә үчүн нараһат олмамалыјыг?
2 Ишләринә мане олмарыг? Бир чох иш јерләриндә ишчиләрин вәзифәси башгаларына хидмәт етмәкдир, буна ҝөрә дә киминсә јахынлашыб онлары ишдән ајырмасы нормал һесаб едилир. Онлар һамыны мүштәри ҝөзүндә ҝөрдүкләриндән, адәтән, нәзакәтлә давранырлар. Әҝәр сиз һөрмәтҹил, сәмими вә достјана мүнасибәт ҝөстәрсәниз, онлар да сизинлә һөрмәтҹил давранаҹаглар.
3. Неҹә едә биләрик ки, мүштәриләри гыҹыгландырмајаг?
3 Мүштәри чох оланда тәблиғ етмәк лазымдыр? Адам чох олмајанда, мәсәлән, мағаза тәзә ачыланда тәблиғ етмәк даһа јахшы оларды. Мүдирә вә ја сатыҹыја јанларында һеч ким олмајанда јахынлаш. Гыса тәгдимә ет.
4. Ишҝүзар әразидә тәблиғ едәркән неҹә тәгдимә едә биләрик?
4 Тәгдимә. Әҝәр ишчи һејәти бир нечә нәфәрдән ибарәтдирсә, чалыш, мәсул шәхслә сөһбәт едәсән. Она белә дејә биләрсән: «Ишҝүзар инсанлары евдә тапмаг чәтин олдуғу үчүн сизә иш јериниздә баш чәкмәк гәрарына ҝәлдик. Билирәм, мәшғулсунуз, она ҝөрә дә чох гыса данышаҹағам». Бизи сатыҹы илә сәһв салмасынлар дејә, фәалијјәтимизин неҹә малијјәләшдирилмәси барәдә сорушмадыглары тәгдирдә јахшы оларды ки, ианә һаггында хатырлатмајаг. Ишин нөвүндән асылы олмајараг, ишчиләрлә гысаҹа данышмаг үчүн мүдирдән иҹазә ала биләрсән. Тәгдимәни онлара да тәкрарла. Әҝәр ишчиләр мәшғул ҝөрүнүрләрсә, тәгдимәни гысалт вә трактат сахла. Ишчиләрлә данышмаг мүмкүн олмаса, ола билсин, сәнә истираһәт отағында вә ја башга мүнасиб бир јердә әдәбијјат сахламаға иҹазә верилди.
5. Ишҝүзар әразидә әминликлә шаһидлик етмәк үчүн һансы әсасларымыз вар?
5 Иса вә Павел инсанлара иш јерләриндә әминликлә тәблиғ едирдиләр; сән дә едә биләрсән (Мат. 4:18—21; 9:9; Һәв. иш. 17:17). Дуада Јеһовадан хаһиш ет ки, ҹәсарәтли олмаг вә һәјәҹанланмамаг үчүн сәнә көмәк етсин (Һәв. иш. 4:29, 30). Ишҝүзар әразиләрдә надир һалларда адам олмур. Буна ҝөрә дә ҝәлин хидмәтин бу сәмәрәли нөвүндән јарарланаг.