Ишҝүзар әразидә неҹә тәблиғ етмәк олар?
1. Ишҝүзар әразидә хидмәтин үстүнлүјү нәдәдир?
1 Инсанларын ҝәләнләрлә меһрибан даврандыглары вә адәтән һамынын өз јериндә олдуғу әразидә тәблиғ етмәк истәјәрдинми? Сән буну бирбаша өз јығынҹағынын саһәсиндә едә биләрсән. Неҹә? Сизин јығынҹағынызын саһәсиндә јерләшән мағазаларда, фирмаларда вә идарәләрдә тәблиғ етмәклә. Бу ҹүр јерләрдә тәблиғ етмәк чох вахт јахшы нәтиҹәләр ҝәтирир.
2. Ишҝүзар әразидә тәблиғ ишини неҹә тәшкил етмәк олар?
2 Бә’зи јығынҹагларда ишҝүзар әразиләр — онлара тә’јин олунан саһәнин бир һиссәсидир. Саһә үчүн мәс’ул гардаш, үзәриндә ишҝүзар әразиләр гејд олунмуш хәритәли карточкалар һазырлаја биләр. Әҝәр јашајыш евләринин дахил олдуғу ади саһәдә ишҝүзар әрази варса, онда ишҝүзар әразинин бу саһәјә дахил олмадығыны карточкада ајдын шәкилдә ҝөстәрмәк лазымдыр. Башга јерләрдә ишҝүзар саһәни јашајыш евләри илә бәрабәр ишләмәк олар. Әҝәр сән ишҝүзар әразидә һеч вахт тәблиғ етмәмисәнсә, онда кичик мағазалардан тәблиғ етмәјә башлаја биләрсән.
3. Ишҝүзар әразидә мүвәффәгијјәтлә тәблиғ етмәкдә бизә нә көмәк едә биләр?
3 Садә тәгдимәдән истифадә ет. Мағазаларда тәблиғ едәркән, адәтән јығынҹаг ҝөрүшләринә ҝејиндијин кими ҝејинмәк чох ваҹибдир. Мағазада алыҹыларын аз олдуғу вахт тәблиғ етмәк даһа јахшы оларды. Әҝәр мүмкүнсә, мағазаја нөвбә олмајан вахтда ҝет. Мағазанын саһиби вә ја мүдири илә ҝөрүшмәк истәдијини билдир. Гыса вә әсас мәтләбдән даныш. Сөһбәтә неҹә башламаг олар?
4-6. Мағазанын саһибинә вә ја мүдиринә нә дејә биләрик?
4 Мағазанын саһиби вә ја сатыҹысы илә данышаркән тәхминән белә дејә биләрсән: “Ишҝүзар адамлар о гәдәр мәшғулдурлар ки, онлары евдә тапмаг чәтин олур, буна ҝөрә дә сизә иш јериниздә баш чәкмәк гәрарына ҝәлдик. Бизим журналларда ҝүндәлик баш верән һадисәләр ишыгландырылыр вә бәшәријјәти ҝәләҹәкдә нә ҝөзләдији һагда данышылыр”. Сонра журналдан һансыса бир фикри гејд ет.
5 Јахуд белә башламаг олар: “Инсанларын әксәријјәти Мүгәддәс Китаб һаггында даһа чох билмәк истәјәрдиләр, лакин онларын буна вахтлары чатмыр. Бу трактатда Мүгәддәс Китабын пулсуз олараг өјрәнилмәси һаггында данышылыр вә белә өјрәнмәнин көмәји илә сизи марагландыран Мүгәддәс Китаб суалларына ҹаваб тапа биләрсиниз”. Бундан сонра “Мүгәддәс Китаб һаггында даһа чох билмәк истәјәрдинизми?” трактатынын 4-ҹү вә 5-ҹи сәһифәләрини ҝөстәр.
6 Әҝәр ҝөрүрсән ки, һәмсөһбәтин мәшғулдур она садәҹә трактаты вериб дејә биләрсән: “Мән сизин бир аз бош вахтыныз оланда ҝәләрәм. Бу трактата даир сизин фикринизи өјрәнмәк истәјәрдим”.
7. Ишҝүзар әразидә ҝөстәрилән марағы неҹә инкишаф етдирә биләрик?
7 Ҝөстәрилән марағы инкишаф етдиририк. Сән ишҝүзар әразидә һәтта Мүгәддәс Китаб өјрәнмәси дә кечирә биләрсән. Хүсуси пионер бир нәфәр бизнесменә мүнтәзәм олараг журналлар ҝәтирирди. Һәмин адам журналлар үчүн миннәтдарлығыны билдирәндә, пионер “Аллаһ биздән нә тәләб едир?” брошүрасынын әсасында Мүгәддәс Китаб өјрәнмәсинин неҹә кечирилдијини ҝөстәрди. Бирбаша иш јериндә өјрәнмә башланды. Шәраитдән асылы олараг, пионер өјрәнмәни 10-15 дәгигә әрзиндә кечирмәјә чалышырды. Ҝәлин, ишҝүзар әразидә тәблиғ едәрәк, лајигли инсанлары бундан сонра да ахтармаға давам едәк.