«Јеһованын Шаһидләри. Әмәлдә ҝөрүнән иман, I һиссә: Гаранлыгдан нура доғру»
Мүгәддәс Китабда нур һәгигәтин, зүлмәт исә јаланын рәмзидир (Мәз. 43:3; Јешаја 5:20). Шејтан Һәвваны алдаданда дүнјаја гаранлыг дахил олду вә тезликлә бәшәријјәт гаты зүлмәтә гәрг олду (Вәһј 12:9). «Јеһованын Шаһидләри. Әмәлдә ҝөрүнән иман, I һиссә: Гаранлыгдан нура доғру» филминдә гаранлығын ичиндән нурун неҹә ишыг сачмаға башладығындан хроноложи шәкилдә бәһс едилир (Јешаја 60:1, 2). Филмә бахдыгдан сонра нөвбәти суаллара ҹаваб верә биләрсинизми?
1) Һәвариләрин өлүмүндән сонра дүнјаја гаты зүлмәт неҹә чөкдү? 2) 1100-ҹү илләрдән етибарән инсанлар килсәләрин һәгигәт јолундан аздыгларыны неҹә баша дүшмәјә башладылар? 3) Һенри Гру вә Ҹорҹ Сторз кимләр иди? 4) Чарлз Расселин һәјатында баш верән һансы һадисәләр она дәрин тәсир бағышламышды? 5) Рассел гардаш, онун атасы вә бир нечә танышы Мүгәддәс Китабы неҹә өјрәнирдиләр вә Аллаһын Кәламындан онлар һансы нәтиҹәләрә ҝәлирдиләр? 6) Неҹә олду ки, Рассел гардашын Мүгәддәс Китабы өјрәнмәк үчүн тәшкил етдији дәрнәк Нелсон Барборун групу илә бирләшди? Сонрадан Рассел гардашы ондан ајрылмаға нә вадар етди? 7) 1879-ҹу илин ијул ајында руһани ишығын јајылмасында дөнүш нөгтәси олан һансы мүһүм һадисә баш верди? 8) Сајлары ҝетдикҹә артан Мүгәддәс Китаб Тәдгигатчылары хош хәбәрин јајылмасы үчүн нә етдиләр? 9) Мүгәддәс Китаб Тәдгигатчылары 1914-ҹү илә хејли вахт галмыш һәмин ил һансы һадисәнин баш верәҹәјини ҝөзләјирдиләр? 10) Рассел гардашын өлүмүндән сонра Мүгәддәс Китаб Тәдгигатчылары һансы чәтинликләрлә үзләшдиләр? 11) Рутерфорд гардаш вә онун һәмкарлары һәбсханадан азад едилдикдән сонра Мүгәддәс Китаб Тәдгигатчылары һансы фәалијјәтә башладылар? 12) Бу филмә бахдыгдан сонра Јеһованын тәшкилаты һаггында нә өјрәндин вә бу, сәни тәшкилаты даһа чох гијмәтләндирмәјә неҹә тәшвиг етди? 13) Бу филм манеәләрә бахмајараг, сәјлә тәблиғ хидмәтини давам етдирмәк гәтијјәтини неҹә мөһкәмләндирди? 14) Биз бу филмдән истифадә едәрәк гоһумларымыза, Мүгәддәс Китабы өјрәтдијимиз инсанлара вә башгаларына неҹә көмәк едә биләрик?
Бу еркән Мүгәддәс Китаб Тәдгигатчылары бизә неҹә дә гијмәтли мирас гојублар! Руһани зүлмәтә гәрг олмуш бу дүнјада онлар ҹәсарәтли вә сәјли нур дашыјыҹылары идиләр. Ҝәлин онларын нүмунәсини изләјәрәк «нур өвладлары кими» јашајаг (Ефес. 5:8).