«Аллаһын Јеремја васитәсилә бизә чатдырдығы хәбәр»
1. 2010-ҹу илин вилајәт конгресиндә һансы нәшр ишыг үзү ҝөрмүшдү вә биз ондан неҹә истифадә едәҹәјик?
1 2010-ҹу илдә «Јеһова илә јахын мүнасибәтләринизи горујун!» адлы вилајәт конгресиндә јени китабын ишыг үзү ҝөрмәси бизи неҹә дә севиндирди! Бу нәшрдә «Јеремја» вә «Мәрсијәләр» китабларындан ҝүндәлик һәјатымыз үчүн фајдалы олаҹаг диггәтәлајиг дәрсләр арашдырылыр (Ром 15:4). Јығынҹағын Мүгәддәс Китаб өјрәнмәсиндә арашдырмаг үчүн нәзәрдә тутулан бу нәшр 2012-ҹи ил нојабрын 5-дән башланан һәфтәдән етибарән јығынҹагларда мүзакирә олунаҹаг.
2. «Јеремја» вә «Мәрсијәләр» китабларыны нәзәрдән кечирмәк нәјә ҝөрә бизим үчүн фајдалыдыр?
2 Бизим үчүн фајдасы. Јеремја Јәһуда тарихинин ән кешмәкешли дөврүндә пејғәмбәр кими хидмәт етмишди. Илк әввәл о, бу тапшырыг үчүн өзүнү јарарсыз һисс едирди (Јер. 1:6). О һәмчинин Анатот шәһәриндә јашајан танышлары вә ола билсин, гоһумлары тәрәфиндән тәгибләрә мәруз галмышды (Јер. 11:21, 22). Бу сәбәбдән бәзән онун руһдан дүшмәси тәәҹҹүблү дејил (Јер. 20:14). Бүтүн милләтләрин ичиндә шаҝирд һазырламаг тапшырығымызы јеринә јетирәндә биз тез-тез бу кими чәтинликләрлә үзләшир вә ејни һиссләри кечиририк (Мат. 28:19). Онун Аллаһдан илһам алараг јаздығы фикирләри нәзәрдән кечирмәк хидмәтимизи сәјлә вә ҹәсарәтлә јеринә јетирмәјә көмәк едәҹәк.
3. «Аллаһын Јеремја васитәсилә бизә чатдырдығы хәбәр» китабынын сәҹијјәви ҹәһәтләриндән биз неҹә истифадә едәҹәјик?
3 Китабын сәҹијјәви ҹәһәтләри. Мүзакирә заманы охунмалы олан әсас ајәләр курсивлә ҝөстәрилиб. Һәр һәфтә үчүн ајрылмыш һиссәнин сонунда галын һәрфләрлә јазылмыш вә мүзакирә олунан һиссәнин әсас фикирләрини вурғулајан бир вә ја ики суал вар. Бу суаллар материалы тәкрарламаг мәгсәдилә верилмәлидир. Китабда чохлу ҝөзәл шәкилләр јер алыб вә шүбһә јохдур ки, баҹы-гардашлар бу шәкилләрә шәрһ вермәк истәјәҹәкләр.
4. «Аллаһын Јеремја васитәсилә бизә чатдырдығы хәбәр» китабынын мүзакирәсиндән там фајдаланмаг үчүн биз нә етмәлијик?
4 Мүзакирәдән там фајда әлдә етмәк үчүн габагҹадан һазырлашын. Һәјатынызда вә хидмәтиниздә тәтбиг едә биләҹәјиниз фикирләри ахтарын. Шәрһ вермәкдә фәал олун. Јеһованын хејир-дуасы сајәсиндә Јеремја өз тапшырығыны севинҹлә јеринә јетирди (Јер. 15:16). Гој бу јени нәшрин мүзакирәси бизә хидмәтимизи ејни әһвал-руһијјә илә иҹра етмәкдә көмәк етсин!