Әҝәр кимсә дејирсә...

«Милјардларла инсан дирилсә, онларын һамысы һарада јашајаҹаг?»

Орта һесабламалара ҝөрә, тарих бојунҹа јер үзүндә 20 милјард инсан јашајыб. Билдијимиз кими, онларын һамысы дирилмәјәҹәк. Анҹаг бу инсанларын һамысы дирилсә белә, онлар үчүн кифајәт гәдәр јер оларды. Һал-һазырда јер күрәсинин гуру әразисинин үмуми саһәси 147 600 000 квадрат километрә бәрабәрдир. Бу әразинин јарысыны әкин-бичин иши үчүн ајырсаг, онда адамбашына 0,4 һектара јахын торпаг саһәси дүшүр. Бу исә инсанларын өзләрини гида илә тәмин етмәк үчүн лазым оландан да чохдур. Һал-һазырда дүнјада гида чатышмазлығынын сәбәби Јер күрәсинин кифајәт гәдәр гида истеһсал едә билмәмәси јох, сијаси мүнагишәләр вә тамаһкар иш адамларынын ҝәлир әлдә етмәк арзусудур.

«Әҝәр јени дүнјада һеч кәс өлмәјәҹәксә, бәс бу гәдәр инсан јер үзүнә неҹә сығаҹаг?»

Јаддан чыхармамалыјыг ки, Јеһова јерә даир нијјәтини бәјан едәндә: «Төрәјиб чохалын вә јер үзүнү бүрүјүб она саһиб олун», — демишди (Јар 1:28). Аллаһ инсанлары дүнјаја өвлад ҝәтирмәк баҹарығы илә јарадыб вә Онун бу нијјәти һәјата кечәндә О, елә едә биләр ки, инсанлар даһа доғуб төрәмәсинләр.