Әҝәр кимсә дејирсә...

«Аллаһ нә гәдәр өмүр верибсә, о гәдәр дә јашајырыг. Һәр кәс вахты чатанда өләҹәк».

Белә ҹаваб вермәк олар: «Бир чох инсанлар сизин кими дүшүнүрләр. Бәс гәдим халгларын бир чохунун да бу ҹүр нөгтеји-нәзәрә саһиб олдуғундан хәбәриниз вар? Һәмин дөврдә инсанлар нә гәдәр јашајаҹагларынын вә нә вахт өләҹәкләринин габагҹадан мүәјјән олундуғуна инанырдылар. Анҹаг Аллаһын Кәламында инсан һәјаты илә бағлы тамамилә фәргли нөгтеји-нәзәр мөвҹуддур. Сонра әлавә етмәк олар: 1) (Ваиз 9:11 ајәсини оху.) Тутаг ки, јол илә ҝедән бир нәфәрин башына биналарын бириндән кәрпиҹ дүшдү. Сизҹә буну Аллаһ етди? Әҝәр еләдирсә, бәс онда нәјә ҝөрә бинанын саһибини сәһләнкарлыгда ҝүнаһландырырлар? [Ҹаваб вермәсинә изин вер.] Инсанын кәрпиҹ дүшән заман орадан кечмәси, Мүгәддәс Китабда дејилдији кими, вахт вә тәсадүфүн нәтиҹәсидир. 2) Мүгәддәс Јазыларда дејилир ки, пис вәрдишләрдән узаг дурсаг, ҹанымызы горујаҹағыг (Сүл. мәс. 16:17). Әҝәр өвладларыныз варса, сөзсүз ки, сиз бу принсипи онларын тәрбијәсиндә истифадә едирсиниз. Сиз онлары һәјат үчүн тәһлүкәли олан һәр шејдән горујурсунуз. Бәшәријјәтин рифаһы үчүн Јеһова Аллаһ да ејни шејләри едир. 3) Јеһова Аллаһ ҝәләҹәкдә нәләр олаҹағыны чох јахшы билир. Она итаәтсизлик едән инсанлардан фәргли олараг, биз даһа чох јашамаг үчүн нә етмәли олдуғумузу Мүгәддәс Китабдан өјрәнә биләрик (Мәз. 37:29; Сүл. мәс. 12:28)». (Һәмчинин «Тале» мөвзусуна бах.)