Пејғәмбәрләрдән нүмунә ҝөтүрүн — Јунус
1. Јунус пејғәмбәр һансы ҝөзәл кејфијјәтләрә малик иди?
1 Јунус пејғәмбәр дедикдә илк ағлыныза ҝәлән нә олур? Бәзиләри онун горхаг вә ја дашүрәкли олдуғуну дүшүнә биләр. Әслиндә исә, о, чох тәвазөкар, ҹәсарәтли вә фәдакар инсан олуб. Бәс биз Јунусун ҝөзәл хүсусијјәтләриндән өзүмүзә һансы нүмунәни ҝөтүрә биләрик? (Јаг. 5:10).
2. Јунус пејғәмбәрин тәвазөкарлығыны неҹә тәглид едә биләрик?
2 Тәвазөкарлыг. Әввәлҹә Јунус пејғәмбәр тәјин олундуғу әразидән әкс истигамәтә гачмаға ҹәһд ҝөстәрмишди. Бу һеч дә тәәҹҹүблү дејил, чүнки ассуријалылар зоракылыгда ад чыхартмыш, Нинева исә ганлы шәһәр кими танынмышды (Наһ. 3:1—3). Јунус она һәвалә олунан ишдән әввәлҹә бојун гачырса да, сонрадан Јеһованын ирадәсини јеринә јетирди (Сүл. мәс. 24:32; Мат. 21:28—31). Төһмәт алмағымыза вә ја чәтин әразијә тәјин олунмағымыза бахмајараг, биз дә, онун кими, хош хәбәри тәблиғ етмәк гәтијјәтиндәјикми?
3. Хидмәтимизин һансы саһәләриндә ҹәсарәт вә фәдакарлыг тәләб олунур?
3 Ҹәсарәт вә фәдакарлыг. Јунус пејғәмбәр јанлыш гәрар верәрәк Таршишә гачдығы үчүн ҝәмичиләрин һәјатыны тәһлүкәјә атмышды; һәмин вахт о, һәјатыны онлар үчүн гурбан вермәјә һазыр иди (Јун. 1:3, 4, 12). Сонра она һәвалә олунан иши Ниневада һәјата кечирәркән Јеһованын һөкм хәбәрини инсанлара чатдырмаг үчүн Јунус дүз шәһәрин мәркәзинә ҝедиб чыхмышды. Аллаһын пејғәмбәринин бу ҹүр давранышы онун горхаг јох, ҹәсарәтли олдуғуну ҝөстәрирди! (Јун. 3:3, 4). Бәс бизим һаггымызда нә демәк олар? Тәгибләрлә үзләшәркән горхмадан шаһидлик вермәк үчүн биз дә Аллаһын вердији ҹәсарәтә еһтијаҹ дујуруг (Һәв. иш. 4:29, 31). Фәдакарлыг ҝөстәрмәк үчүн биздән вахтымызы вә вәсаитләримизи хидмәтә сәрф етмәк тәләб олунур (Һәв. иш. 20:24).
4. Нәјә ҝөрә Јеһованын пејғәмбәрләринин јахшы нүмунәләри үзәриндә дүшүнмәјә вахт ајырмалыјыг?
4 Һәр дәфә Јеһованын пејғәмбәрләри барәдә охудугҹа онларын вәзијјәтини ҝөзүнүзүн өнүндә ҹанландырмагла фајда әлдә едәҹәксиниз. Өзүнүздән сорушун: «Мән неҹә давранардым? Бу ҝөзәл хүсусијјәтләри һәјатымда неҹә әкс етдирә биләрәм?» (Ибр. 6:11, 12). «Бизим Падшаһлыг Хидмәтимиз» вәрәгәсинин нөвбәти сајларында Јеһованын диҝәр садиг пејғәмбәрләриндән өјрәнә биләҹәјимиз ибрәтамиз нүмунәләр арашдырылаҹаг.