Кимләр үчүн мараглы ола биләр?
1. «Ҝөзәтчи гүлләси» вә «Ојанын!» журналларыны охујаркән нәји нәзәрә алмалыјыг вә нәјә ҝөрә?
1 «Ҝөзәтчи гүлләси» вә «Ојанын!» журналлары бүтүн дүнјадан олан инсанларын тәләбаты нәзәрә алынараг һазырланыр. Бу сәбәбдән, журналларда мүхтәлиф мөвзуларда мәгаләләр дәрҹ олунур. Журналдакы һәр бир мәгаләни охујаркән онун хүсусилә кимләр үчүн мараглы олаҹағы барәдә фикирләшмәлијик, сонра исә хидмәтдә һәмин инсанлара тәклиф едә биләрик.
2. Журналларымызда дәрҹ олунан һансы мөвзулар башгалары үчүн хүсусилә мараглы ола биләр?
2 Бәлкә, «Ҝөзәтчи гүлләси»нин јени сајында иш јолдашынла әввәлләр сөһбәт етдијин мөвзу илә бағлы, јахуд аилә һәјатында гоһумларындан кимәсә көмәји дәјәҹәк һәр һансы бир мәгалә вар? Танышларындан кимсә «Ојанын!» журналында һаггында бәһс едилән өлкәләрдән биринә сәјаһәт етмәји планлашдырырмы? Тәблиғ етдијин әразидәки иш адамларынын диггәтини ҹәлб едәҹәк һәр һансы журнал вармы? Мисал үчүн, јашлыларын үзләшдикләри проблемләрдән данышан журнал гоҹалар евиндә хүсуси марагла гаршылана биләр.
3. Журналларын хүсуси бурахылышларыны мәһз бу мөвзу илә марагланаҹаг кәсләрә тәклиф етмәјин ваҹиблијини ҝөстәрән нүмунәләр данышын.
3 Әлдә олунана наилијјәтләр. Ҹәнуби Африкадан олан әрлә арвад мәсулијјәтли ушаглар бөјүтмәклә бағлы «Ојанын!» журналынын 2011-ҹи ил октјабр сајыны алдыгдан сонра әразиләриндәки 25 мәктәбә вә ушаг бағчасына зәнҝ етдиләр. Бу тәһсил оҹагларынын 22-синдә журналлары гәбул етдиләр вә онлары шаҝирдләрә пајладылар. Һәмин өлкәдә јашајан башга бир ҹүтлүк дә әразиләриндәки мәктәбләрә бу журналдан пајлады. Мәктәбләрдән бириндә мүәллимләр бу журналы тәлим програмында истифадә етмәк гәрарына ҝәлдиләр. Һәмин ҹүтлүк бу һадисәни рајон нәзарәтчисинә данышды. О да баш чәкдији јығынҹаглары әразиләриндәки мәктәбләрдә бу ҹүр шаһидлик вермәјә тәшвиг етди. Сонрадан филиала бу журналла бағлы о гәдәр сифариш ҝәлди ки, ону јенидән нәшр етмәли олдулар!
4. Нәјә ҝөрә журналларымызы мүмкүн гәдәр даһа чох инсана пајламаг истәјирик?
4 Журналларымыз бу ҝүн дүнјада баш верән һадисәләрин әсил сәбәбини ачыглајыр вә диггәти Мүгәддәс Китаба вә Аллаһын Падшаһлығына јөнәлдир. Дүнјаја «гуртулуш хәбәри»ни чатдыран јалныз бизим журналлардыр (Јешаја 52:7). Буна ҝөрә дә биз журналларымызы мүмкүн гәдәр даһа чох инсана пајламаг истәјирик. Буну ән јахшы шәкилдә етмәк үчүн өзүмүздән сорушмалыјыг: «Кимләр үчүн мараглы ола биләр?»