Пејғәмбәрләрдән нүмунә ҝөтүрүн — Јоел
1. Тәблиғдә Јоелин тәвазөкарлығыны неҹә тәглид едә биләрик?
1 Јоел пејғәмбәр ким олуб? О, өзү һаггында јалныз «Петуелин оғлу» олдуғуну дејир (Јоел 1:1). Бу тәвазөкар пејғәмбәр диггәти өзүнүн елчи ролуна јох, Јеһованын хәбәринә јөнәлтмишди. Онун кими, биз дә хидмәтдә өзүмүзә иззәт вә ја һөрмәт ахтармаг әвәзинә, диггәти Јеһоваја вә Мүгәддәс Китаба јөнәлдирик (1 Кор. 9:16; 2 Кор. 3:5). Бундан әлавә, чатдырдығымыз хәбәр өзүмүзү дә мөһкәмләндирир. Јоелин пејғәмбәрлијиндәки һансы мәгамлар бу ҝүн бизә ҹәсарәт вә үмид верә биләр?
2. Јеһованын ҝүнүнүн јахын олмасы бизи нәјә тәшвиг етмәлидир?
2 Јеһованын «ҝүнү јахындыр» (Јоел 1:15). Бу сөзләр минилликләр өнҹә јазылса да, биз онун сонунҹу дәфә јеринә јетәҹәји дөврдә јашајырыг. Дүнјада вәзијјәтин писләшмәси саһәмиздә јашајанларын етинасызлыг ҝөстәрмәси вә ришхәнд етмәси бу пис системин ахырынын чатдығына ајдын сүбутдур (2 Тим. 3:1—5; 2 Пет. 3:3, 4). Сонун нә гәдәр јахын олдуғу ҝөрәндә хидмәти һәјатымызда биринҹи јерә гојмаға һәр ҹүр сәбәбимиз јараныр (2 Пет. 3:11, 12).
3. Бөјүк мүсибәт јахынлашдыгҹа хидмәт етмәк нә үчүн хүсусилә ваҹибдир?
3 Јеһова «Өз халгы үчүн сығынаҹаг јер... олаҹаг» (Јоел 3:16). Бу ајәдә тәсвир едилән дәһшәтли һадисәни јалныз Јеһованын бөјүк мүсибәтдә һәјата кечирәҹәји һөкмә аид етмәк олар. Јеһованын һәмин вахт әрзиндә Өз садиг хидмәтчиләрини горујаҹағыны билмәк бизи севиндирир (Вәһј 7:9, 14). Тәблиғ хидмәтиндә олмағымыз вә Јеһованын бизи неҹә мүдафиә етдијини вә ҝүҹ вердијини һисс етмәјимиз Онун гаршыдан ҝәлән бөјүк мүсибәтдә бизә көмәк едәҹәјинә иманымызы вә етибарымызы артырыр.
4. Биз нә үчүн севинә вә ҝәләҹәјә әминликлә баха биләрик?
4 Јоелин чатдырдығы хәбәрдә бәзи кәдәрли һадисәләр тәсвир олунса да, орада Аллаһын халгына мөһтәшәм гуртулуш үмиди вәд олунур (Јоел 2:32). Она ҝөрә дә ҝәлин ҝәләҹәјә там әминликлә бахаг вә Аллаһын Падшаһлығы һаггында хош хәбәри сәјлә тәблиғ едәк, неҹә ки Јоел 2:23 ајәсиндә бизә дејилир: «Аллаһыныз Рәбдә севинин вә шадланын».