Суаллар гутусу

◼ Гапы ағзында кимәсә Мүгәддәс Китабы өјрәдәркән тәблиғчи баҹы тәблиғчи гардашын јанында башыны бағламалыдырмы?

Әҝәр баҹы бир инсана мүнтәзәм олараг Мүгәддәс Китабы өјрәдирсә вә бу заман јанында гардаш варса, о, башыны бағламалыдыр (1 Кор. 11:3—10). «Ҝөзәтчи гүлләси»нин 2002-ҹи ил 15 ијул сајынын 27-ҹи сәһифәсиндә (рус.) дејилир: «Бу, габагҹадан планлашдырылмыш дәрсдир вә белә вәзијјәтдә дәрс кечән адам, демәк олар ки, апарыҹы гисминдә чыхыш едир. Белә олан һалда өјрәнмә јығынҹаг тәдбири һесаб олунур. Әҝәр вәфтиз олунмуш баҹы вәфтиз олунмуш гардашын јанында киминләсә белә өјрәнмә кечирирсә, о, башыны бағламалыдыр». Ејнилә, баҹы вәфтиз олунмамыш тәблиғчи гардашла кимәсә дәрс кечәндә дә башыны бағламалыдыр. Мүгәддәс Китаб өјрәнмәсинин евдә, гапы ағзында вә ја башга јердә кечирилмәсиндән асылы олмајараг, баҹы гардашын јанында башыны бағламалыдыр.

Амма әҝәр мүнтәзәм олараг дәрс кечирилмирсә вә баҹы тәкрар башчәкмә заманы Мүгәддәс Китаб өјрәнмәси кечирмәјин үсулуну ҝөстәрирсә вә ја дәрс вәсаитләриндән бириндән мүәјјән гәдәр материалы нәзәрдән кечирирсә, гардашын јанында башыны бағламағына еһтијаҹ јохдур. Гапы ағзында Мүгәддәс Китаб өјрәнмәси тәдриҹән, бир нечә тәкрар башчәкмә сајәсиндә әрсәјә ҝәлдији үчүн тәблиғчи шәраити нәзәрә алмалы вә нә заман баш өртүјүндән истифадә едәҹәјинә мүдрикликлә гәрар вермәлидир.