Нүмунә үчүн тәгдимәләр

Јанвар—март ајларынын илк шәнбәсиндә Мүгәддәс Китаб өјрәнмәсинә башламаг үчүн

«Әксәр инсанларын Аллаһ һаггында өз тәсәввүрләри вар. Бәзиләри Аллаһын сирли бир гүввә олдуғуну дүшүнүр. Башгаларынын тәсәввүрүндә исә О, севән сәмави Атадыр. Бәс сиз Аллаһы неҹә тәсәввүр едирсиниз?» [Ҹаваб вермәсинә изин вер.] Сонра «Ҝөзәтчи гүлләси»нин јанвар—март сајынын ахырынҹы сәһифәсини ҝөстәр вә биринҹи суалын алтындакы мөвзуну вә ҝәтирилән ајәләрдән ән азы бирини бирликдә арашдыр. Журналы тәклиф ет вә нөвбәти суалы мүзакирә етмәк үчүн ҝөрүш тәјин ет.

Ҝөзәтчи гүлләси Јанвар—март

«Биз инсанларла һәр биримизә аидијјәти олан бир мөвзу барәдә, әзизләримизин өлүмү барәдә сөһбәт едирик. Јәгин разылашаҹагсыныз ки, әзиз достларымыздан вә ја гоһумларымыздан киминсә өлүмүнә таб ҝәтирмәк чох чәтиндир. [Ҹаваб вермәсинә изин вер.] Мүгәддәс Китабын бу ајәси чохларына тәсәлли вериб [Јешаја 25:8 ајәсини оху.] Бу журналда Мүгәддәс Китабын руһландырыҹы вәдиндән — өлүмә сон гојулаҹағындан вә өлән әзизләримизин јенидән һәјата гајыдаҹағындан бәһс едилир».

Ојанын! Јанвар—март

«Сизә дә елә ҝәлирми ки, бу ҝүн аиләләр чохлу чәтинликләрлә үзләшир? [Ҹаваб вермәсинә изин вер.] Мүгәддәс Китабын бир мәсәлиндә аиләләрин неҹә гурулмалы вә мөһкәмләндирилмәли олдуғу дејилир. [Сүлејманын мәсәлләри 24:3 ајәсини оху.] Чохлары әмин олмушлар ки, мүдриклијин етибарлы мәнбәји Мүгәддәс Китабдыр. Бу журналда аиләләрә көмәк үчүн бәзи пулсуз вәсаитләр јерләшән, бәнзәри олмајан вә Мүгәддәс Китаба әсасланан веб-сајтымыздан бәһс едилир».