Илк сөзләримиздән чох шеј асылыдыр
1 «Мүгәддәс Китаб әсасында сөһбәт» брошүрасындакы вә ја «Бизим Падшаһлыг Хидмәтимиз»ин ахырынҹы сајларындакы тәгдимәләрдән истифадә едирсән? Әксәр тәблиғчиләр билдирирләр ки, тәгдимәләрин илк сөзләрини чап олундуғу кими, сөзбәсөз демәклә уғурлу нәтиҹәләр әлдә етмишләр. Диҝәрләри исә, бир аз вахт сәрф едиб, чап олунан тәгдимәнин гурулушуну сахламаг шәртилә, тәгдимәни өз сөзләри илә неҹә дејә биләҹәкләринә һазырлашырлар.
2 Бир факт данылмаздыр: тәблиғ етмәк үчүн кимәсә јахынлашмаздан өнҹә дејәҹәјин сөзләри ағлында һазырламысанса, өзүнү даһа сәрбәст вә әмин һисс едәҹәксән. Сәнин сөзләри неҹә ифадә етмәјиндән хош хәбәри сәмими олараг бөлүшмәк истәдијин ҝөрүнәҹәк. Јахшы һазырлашмаг јахшы нәтиҹәләр ҝәтирдији үчүн хидмәтдән зөвг алаҹагсан. Әсас одур ки, гурбан кими тәгдим етдијимиз хидмәтин кејфијјәтини ҝүнбәҝүн артыраг (Ибр. 13:15; 1 Пет. 2:5).
3 Буна ҝөрә дә һазырлашмаг үчүн вахт ајыр. Саһәндә неҹә инсанларла гаршылаша биләҹәјин үзәриндә дүшүн. Онлары нә марагландырыр, нә нараһат едир? Баш верән һансы һадисәләр онларын һәјатына тәсир ҝөстәрир? Бу суалларын үзәриндә дүшүндүкдән сонра «Мүгәддәс Китаб әсасында сөһбәт» брошүрасындан вә ја «Бизим Падшаһлыг Хидмәтимиз»дән бир нечә тәгдимәни нәзәрдән кечир. Һәмин тәгдимәләрдә дәјишиклик етмәјә вә ја сәнә раһат олаҹаг шәкилдә ифадә етмәјә чәкинмә. Нөвбәти аддым һазырладығын тәгдимәнин јаддашында мөһкәм галмасы үчүн ону әмәкдашынла бирҝә мәшг етмәкдир. Ола билсин, бу, диҝәрләри үчүн өз тәгдимәләрини јахшылашдырмаға тәкан олаҹаг. Һәр бир һалда, сиз бир-биринизи руһландыраҹаг вә бир-биринизи јахшы ишләр ҝөрмәјә тәшвиг едәҹәксиниз.
4 Тәгдимәләр һазырламаг үчүн сәрф етдијин вахт вә ҝүҹүн һәдәр ҝетмәјәҹәк. Ола билсин, сән инди һәјата кечирилән бичин ишиндә даһа уғурлу нәтиҹәләрлә хејир-дуаланаҹагсан.