Нүмунә үчүн тәгдимәләр

Јеһованын Шаһидләри нә вахтдан мөвҹуддур?

Мүгәддәс Китаба әсасән, Јеһованын шаһидләринин тарихи та гәдимә, Һабилә ҝедиб чыхыр. Ибраниләрә 11:4—12:1 ајәләриндә дејилир: «Һабил, иманы сајәсиндә, Аллаһа Габилин гурбанындан даһа гијмәтли гурбан ҝәтирди... Нуһ, иманы сајәсиндә, һәлә ҝөрүнмәјән шејләрлә бағлы Аллаһ тәрәфиндән хәбәрдар едиләндән сонра үрәјиндә Аллаһ горхусу [олду]... Ибраһим, иманы сајәсиндә, Аллаһ тәрәфиндән чағырыланда итаәт едиб мирас алаҹағы торпаға јолланды... Муса да бөјүјәндән сонра, иманы сајәсиндә, фирон гызынын оғлу адланмагдан имтина етди. О, ҝүнаһдан мүвәггәти һәзз алмагданса, Аллаһын халгы илә бирликдә әзијјәтә гатлашмағы үстүн тутду... Бу ҹүр бөјүк шаһидләр булуду илә әһатә олундуғумуз үчүн ҝәлин бизә ағырлыг едән һәр шеји вә ајагларымыза долашан ҝүнаһы әјнимиздән чыхараг вә дөзүмлә гачараг гаршымыздакы мәсафәни гәт едәк».

Иса Мәсиһ һаггында исә Мүгәддәс Китабда дејилмишди: «Аллаһын хилгәтинин илки, садиг вә һәгиги шаһиди Амин белә дејир». Иса кимин шаһиди иди? О, өзү демишди ки, Атасынын адыны ачыб. Демәли, о, Јеһованын әсас шаһиди иди (Вәһј 3:14; Јәһ. 17:6).

Бәзи јәһудиләр Иса Мәсиһин фәалијјәти барәдә сорушмушдулар ки, бу «јени бир тәлимдир?» (Марк 1:27). Сонралар бәзи јунанлар һәвари Павелин «јени тәлим» јајдығыны дүшүнүрдүләр (Һәв. иш. 17:19, 20). Дүздүр, ешидәнләр үчүн бу јени ҝәлә биләрди, амма әсас о иди ки, бу, һәгигәт иди вә там олараг Аллаһын Кәламына әсасланмышды.

Јеһованын Шаһидләринин мүасир тарихи исә 1870-ҹи илин әввәлләринә ҝедиб чыхыр. Онлар Пенсилванија штатынын Аллегани шәһәриндә (АБШ) Мүгәддәс Китабы арашдыран бир груп кими фәалијјәтә башладылар. Тәзә-тәзә онлар Мүгәддәс Китаб Тәдгигатчылары кими танынырдылар, лакин 1931-ҹи илдән Мүгәддәс Китаба әсасән, Јеһованын Шаһидләри адыны гәбул етдиләр (Јешаја 43:10—12). Онларын етигадлары вә фәалијјәтләри јени дејил, бу, биринҹи әсрдәки мәсиһчилијин бәрпасыдыр.