Август — тарихи фәалијјәт ајы!

1. Падшаһлығын 100 иллији әрәфәсиндә бүтүн дүнјада һансы хүсуси кампанија кечириләҹәк?

¹ Аллаһын Падшаһлығынын 100 иллији јахынлашыр! Бу әрәфәдә Јеһованын адыны иззәтләндирмәк үчүн хүсуси кампанијада иштирак едә биләрик. Август ајында «Һәјати ваҹиб суаллара ким ҹаваб верә биләр?» адлы јени буклет бүтүн дүнјада пајлајаҹаг. Бу буклет инсанлары суалларынын ҹавабыны Мүгәддәс Китабдан ахтармаға тәшвиг едир вә бу ишдә jw.org сајтынын онлара неҹә көмәк едә биләҹәјини изаһ едир.

2. Август ајында Јеһоваја уҹадан һәмд етмәк ишиндә иштирак етмәк үчүн нә едә биләрик?

² Уҹадан һәмд един. Тәблиғчиләрә хидмәтләрини ҝенишләндирмәјә көмәк етмәк үчүн август ајында көмәкчи пионер кими хидмәт етмәк истәјәнләрә хүсуси ҝүзәшт верилир. Вәфтиз олунмуш тәблиғчиләрин 30 саатлыг норма илә көмәкчи пионер кими хидмәт имканы олаҹаг. Август ајында беш ҹүмә, шәнбә вә базар ҝүнү олдуғундан ишләјән вә ја тәһсил алан тәблиғчиләр көмәкчи пионер кими хидмәт едә биләр. Әҝәр сәнин руһән инкишаф едән вә тәблиғчи олмаг истәјән өјрәнәнин вә ја ушағын варса, онда вахт итирмәдән ағсаггаллар шурасынын координаторуна јахынлаш. Бу әламәтдар ајда тәблиғ ишиндә иштирак етмәләри онлары неҹә дә руһландыраҹаг! Әксәр даими пионерләр иллик саат нормаларыны тамамладыгдан сонра август ајында өзләринә истираһәт версәләр дә, јахшы оларды ки, бу хүсуси кампанијада там шәкилдә иштирак етмәк үчүн ҹәдвәлләриндә дәјишиклик етсинләр. Инди һәр бир аиләнин Јеһоваја уҹадан һәмд етмәк ишиндә неҹә иштирак едә биләҹәјини бирҝә мүзакирә етмәјинин әсил вахтыдыр (Езра 3:11; Сүл. мәс. 15:22).

3. Хүсуси кампанијада нәләрә наил олаҹағымыза үмид едирик?

³ Әввәлләр бу ҹүр кампанијаларда иштирак етсәк дә, үмид едирик ки, бу кампанија тарихдә из гојаҹаг. Мәгсәдимиз август ајында тәблиғ саатында, тәблиғчиләрин вә көмәкчи пионерләрин сајында ән јүксәк саја наил олмагдыр! Гој Јеһова 2014-ҹү хидмәт илинин сонунун, август ајынын шаһидлијин ән мөһтәшәм ајы олмасы үчүн халгынын бүтүн дүнјада ҝөрәҹәји ишләрә хејир-дуа версин! (Мат. 24:14).